Źmitra Daškieviča zatrymali paśla rezkaj pramovy na Dni Voli
Paśla kancerta na Dzień Voli, jaki prajšoŭ kala kinateatra «Kijeŭ», zatrymali Źmitra Daškieviča, jaki vystupiŭ na śviatkavańni z rezkaj pramovaj. Jon źjedliva pavinšavaŭ sa śviatam navat dušycielaŭ svabody. Jon taksama nahadaŭ pra złačynstvy savieckaha režymu.
«Heta śviata navat dla ich — nieprychilnikaŭ pieramienaŭ, — skazaŭ jon. — Heta śviata i dla šuniavak, i dla «ichtamnietaŭ», i dla prapahandystaŭ, i navat dla samazvanca, — skazaŭ jon. — Bo kab nie 25 Sakavika i Niezaležnaść, dzie b jany byli? U «Trecim Rymie», u Maskvie, u Mardory?»
Dalej Daškievič nahadaŭ, što bolšaść palityčnych dziejačaŭ, jakija ŭvachodzili ŭ kiraŭnictva Biełaruskaj Narodnaj Respubliki, byli zabityja kamunistyčnym režymam. «Siońnia hetaja niavinnaja kroŭ kryčyć u Kurapatach, dzie łamajuć kryžy, psujuć pomniki», — zajaviŭ jon.
Daškievič prapanavaŭ uźniać ruki tym, chto za apošni miesiac byŭ u Kurapatach. Padniali ruki tolki niekalki čałaviek. «Heta hańba ŭsiaho patryjatyčnaha ruchu, heta naš bol», — kanstatavaŭ aktyvist. Jon zaklikaŭ usich chadzić u Kurapaty.
«Hołas kryvi brata majho kryčyć ź ziamli», — nahadaŭ jon hetyja słovy ź Biblii pra historyju Kaina i Aviela.
Paśla 22:00 stała viadoma, što Źmicier u Izalatary časovaha ŭtrymańnia na Akreścina i, imavierna, u paniadziełak budzie sud u Centralnym rajonie.
Ciapier čytajuć
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary