Maskoŭskaja deputatka: «Ukraina — heta histaryčny aniekdot. Śmiašniejšaja tolki kraina Biełarusija»
Rasijski žurnalist i publicyst Siarhiej Parchomienka napisaŭ u svaim fejsbuku dopis, pryśviečany 20-j hadavinie nataŭskich bambardzirovak Juhasłavii. Parchomienka apisvaje ŭbačanyja žachi vajny, učynienyja sierbskaj armijaj da nataŭskich bambardzirovak.
«Niejak u mianie paśla hetaha nie atrymlivajecca nienavidzieć nataŭskuju avijacyju» — piša Parchomienka.
Dalej u kamientary da dopisu pryjšła Alaksandra Andrejeva, deputatka Savieta deputataŭ municypalnaj akruhi Lefortava ŭ Maskvie.
Spačatku jana ździviłasia, što Parchomienka zajmaje takuju pazicyju: «Vy za musulman suprać sierbaŭ?»
A zatym jana napisała kamientar u abaronu impieryj. Jon byŭ abraźlivy dla Biełarusi i Ukrainy:
«Junača, impieryi byli, jość i buduć. Toje, što našy ciapieršanija vysokija načalniki — debiły, i sprabujuć budavać impieryju kateharyčna kontrpraduktyŭnymi mietadami — vielmi drenna i vielmi sumna.
Heta mocna ŭskładnić viartańnie Ukrainy i Biełarusi na ich histaryčnaje miesca, heta značyć u skład RF. Moža być, voś prama ciapier i nie treba. Naviadziem paradak spačatku.
Ale sama pa sabie kraina Ukraina — heta histaryčny aniekdot. Śmiašniejšaja tolki kraina Biełarusija».
Andrejeva pa adukacyi linhvistka, jaje vyłučyła partyja «Spraviadlivaja Rasija», jana pracuje inśpiektaram Usierasijskaha tavarystva achovy pomnikaŭ historyi i kultury.
Aryštavali pradstaŭnikoŭ kampanii Bayer u Biełarusi15
Kamientary