Trahiedyja ŭ ispanskim čempijanacie: hulec pamior u vyniku sutyknieńnia z hałkipieram
Trahiedyja zdaryłasia ŭ matčy 12‑ha tura Siehundy (druhoha dyvizijona) pamiž «Teneryfe» i «Andoraj» (2:2).
Na siomaj kampiensavanaj da druhoha tajma chvilinie hałkipier haściej Chiesus Avona hruba źbiŭ forvarda supiernikaŭ Chiesusa de Mihiela ŭ centry pola, sprabujučy nie dać jamu zavałodać miačom. Za heta bramnik adrazu atrymaŭ pramuju čyrvonuju kartku.
Forvard zastaŭsia lažać na hazonie, i praź niekalki siekund inšyja futbalisty zaŭvažyli, što jon straciŭ prytomnaść. Hulca «Teneryfe» dastavili ŭ balnicu na mašynie chutkaj dapamohi.
U de Mihiela amal na 20 chvilin spynilisia serca i dychańnie. Pa darozie ŭ balnicu jamu pravodzili sardečna-lohačnuju reanimacyju.
Siońnia ranicaj kłub paviedamiŭ, što 30‑hadovy ispanski futbalist pamior.
«Z bolem u sercy i kamiakom u horle, nie ŭ siłach pavieryć, što heta praŭda, «Teneryfe» paviedamlaje pra trahičnuju śmierć Chiesusa de Mihiela, jakaja nastupiła ŭ hety aŭtorak, 3 listapada 2026 hoda, a 08:00.
Niama słoŭ suciašeńnia, absalutna ničoha, što mahło b źmiakčyć hety smutak. My pobač ź jaho spustošanaj siamjoj, pobač ź jaho blizkimi, pobač z usimi, chto siońnia apłakvaje hety strašny vynik.
Siamja Chiesusa de Mihiela dziakuje za kožnuju prajavu padtrymki i z toj ža ščyraściu prosić z maksimalnaj pavahaj pastavicca da ich pryvatnaha žyćcia ŭ hetyja strašnyja chviliny», — havorycca ŭ paviedamleńni kłuba.
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»28
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2222
Kamientary