Ale paru zatrymali, ciapier ich čakaje nie śviata, a sud, i, najchutčej, termin u kałonii.
«Jak rastłumačyli zatrymanyja, zaniacca raspaŭsiudžvańniem narkotykaŭ jany vyrašyli, kab zarabić na viasielle i pieršapačatkovy siamiejny kapitał. Małady čałaviek vučyŭsia ŭ adnym sa staličnych kaledžaŭ i płanavaŭ źviazać svoj los z elektronikaj. Adnačasna jon zachaplaŭsia badmintonam, mieŭ razrad majstra sportu. Dziaŭčyna zachaplałasia vierchavoj jazdoj, u hetym hodzie pavinna była skončyć škołu i, jak tolki joj spoŭniłasia b 18 hadoŭ, para płanavała ažanicca», — paviedamlaje milicyja.
Zarablali prosta — znajšli internet-kramu, jakaja handlavała narkotykami, na 100 rubloŭ nabyli 10 hramaŭ. Chłopiec raskłaŭ zakładki. Paśla zamovili nastupnuju, užo bolšuju, partyju.
Prapracavali try tydni. Narkotyki zachoŭvali doma ŭ dziaŭčyny, u vioscy Tarasava, što pad Minskam. Chłopca zatrymali z 24 pakiecikami, padrychtavanymi dla zakładak, u chacie dziaŭčyny znajšli jašče «tavar».
Ciapier para moža sieści za raspaŭsiudžvańnie narkotykaŭ. A heta da 15 hadoŭ pazbaŭleńnia voli.
Pryčym, hrošy jany zarabić tak i nie paśpieli.
«Vydatna ŭśviedamlajučy, što ŭ chutkim časie dzieci buduć zatrymanyja, uładar internet-kramy i nie płanavaŭ raźličvacca ź imi. Pa słovach zatrymanych, jany zarabili ŭžo 1000 dalaraŭ, kuratar ŭžo niekatory čas «abiacaŭ» navat zavieści dla ich bankaŭskuju kartku, ale ŭvieś čas adkładvaŭ hetaje pytańnie, prapanoŭvajučy ŭziać novuju vialikuju partyju narkotyku, raskłaści jaje i atrymać jašče bolš hrošaj. «Kładmienu» ničoha nie zastavałasia, jak zhadžacca, u nadziei atrymać «zaroblenyja» hrošy. U svaju čarhu ich kuratar, prosta čakaŭ, pakul ich nieŭzabavie zatrymajuć, kab nie płacić im hrošy, — tłumačyć milicyja. — U apošni čas kramy starajucca pracavać pa hetaj schiemie, asabliva z maładymi i niespraktykavanymi «supracoŭnikami», pastajanna adkładajučy «na zaŭtra» pieradaču hrošaj, adnačasna spadziejučysia, što addavać ich nie pryjdziecca zusim, prosta vymušajuć na zaroblenyja hrošy ŭziać novuju partyju narkotyku, što ludzi i robiać, u nadziei na raźlik. Ale vielmi časta hetaha nie adbyvajecca, zakładnik zatrymlivajucca supracoŭnikami milicyi. Krama zaŭsiody zastajecca ŭ vyjhryšy, bo «pracuje» pa pieradapłacie».
