Unačy supracoŭniki milicyi i rodnyja šukali ŭ stalicy dźviuch 11-hadovych školnic. Jany nie viarnulisia dadomu paśla prahułki. Na žal, nie pieršy raz — miesiac tamu ich šukali pry padobnych abstavinach, piša Tut.by.
Pra vyšuk dźviuch školnic unačy paviedamiŭ pošukavy atrad «Anioł»: 11-hadovyja Kacia i Uljana viečaram 28 sakavika prykładna ŭ 18.00 pajšli z domu pahulać i nie viarnulisia.
Tolki a siomaj ranicy stała viadoma: dziaŭčatak znajšli. Inšych padrabiaznaściaŭ nie paviedamlajecca, u milicyi admovilisia niešta kamientavać u intaresach dziaciej. Pa dadzienych Tut.by, školnicy nie paciarpieli, ź imi ŭsio dobra.
Miesiac nazad školnic užo šukali nočču pa Minsku, jany źnikli paśla zaniatkaŭ pa tancach. Adziny telefon byŭ adklučany, ich znajšli praz paru hadzin u rajonie mietro «Hrušaŭka». Jany tady źbiralisia ŭ Litvu.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary