Уначы супрацоўнікі міліцыі і родныя шукалі ў сталіцы дзвюх 11-гадовых школьніц. Яны не вярнуліся дадому пасля прагулкі. На жаль, не першы раз — месяц таму іх шукалі пры падобных абставінах, піша Tut.by.
Пра вышук дзвюх школьніц уначы паведаміў пошукавы атрад «Анёл»: 11-гадовыя Каця і Ульяна вечарам 28 сакавіка прыкладна ў 18.00 пайшлі з дому пагуляць і не вярнуліся.
Толькі а сёмай раніцы стала вядома: дзяўчатак знайшлі. Іншых падрабязнасцяў не паведамляецца, у міліцыі адмовіліся нешта каментаваць у інтарэсах дзяцей. Па дадзеных Tut.by, школьніцы не пацярпелі, з імі ўсё добра.
Месяц назад школьніц ужо шукалі ноччу па Мінску, яны зніклі пасля заняткаў па танцах. Адзіны тэлефон быў адключаны, іх знайшлі праз пару гадзін у раёне метро «Грушаўка». Яны тады збіраліся ў Літву.
Каментары