«Atrymlivajecca, što ciapier biełaruskamoŭnyja dzieci apryjory tupiejšyja pa vašych ruskamoŭnych testach?..»
My nie raz čuli pra ciažkaści, źviazanyja ź biełaruskamoŭnaj adukacyjaj. Naprykład, pra łahapiedaŭ, jakija, pačuŭšy ćviordyja «r» abo «č», hatovyja dyjahnastavać prablemy. Ale biełaruskamoŭnyja łahapiedy, choć i ŭ hamieapatyčnaj kolkaści, usio ž isnujuć. A voś kali źviarnucca da śpiecyjalnaj adukacyi…
Jak viadoma, mnohim dzieciam (asabliva z roznymi prablemami a-la aŭtyzm, DCP i h.d.) rehularna davodzicca prachodzić psichołaha-miedyka-piedahahičnuju kamisiju. Da jaje abaviazkova treba atrymać vypisku ŭ psichanieŭrołaha, jaki tam paznačyć u tym liku vaš IQ. A dla vyznačeńnia hetaha IQ vykarystoŭvajecca ahulnapryniaty test Viekślera. I voś, siadzić siońnia maja Hanula na hetym teście i ŭ jaje pytajucca:
— Skolko dniej v niediele? (Aniuta zavisaje: jak takoje moža być? Niadziela — heta adzin dzień, kolki ž u joj moža być dzion, kali nie adzin? Kolki dzion u TYDNI, jana cudoŭna viedaje, ale takoje elemientarnaje pytańnie na ruskaj pravalvaje).
— Čto takoje para? (Hanula sprabuje rastłumačyć, što heta hazapadobny stan vady, raskazvaje pra toje, što lacić u pavietra. Praviarajučamu navat i nie ŭciamić, što ŭ biełaruskaj movie słova «para» aznačaje nie tolki «dva» — za adkaz atrymlivajem nul).
— Čto takoje miech? (Dačka kaža: heta kab pieravozić, naprykład, bulbu. U biełaruskaj movie miech — heta vialiki miašok, adkul zdahadacca pra FUTRA?)
Na ščaście, Aniuta ŭsio ž viedaje ruskuju movu, choć i horš za biełaruskuju. Dy i psichołah nam patrapiłasia adekvatnaja, u składanych vypadkach dazvalała mnie pierakłaści. Tamu bolšaść pytańniaŭ nam była dastupnaj. Ale pa praviłach baćki nie pavinny ŭvohule znachodzicca ŭ poli zroku dziciaci i nijak nie mohuć umiešvacca ŭ praces. Ja razumieju, što patrabavać Viekślera pa-biełarusku krychu naiŭna: pierakład hetaha testa i jaho adaptacyja patrabujuć vielmi šmat času i hrošaj. Test pierakładzieny na nie tak i šmat moŭ. Ale što, atrymlivajecca, što ciapier biełaruskamoŭnyja dzieci apryjory tupiejšyja pa vašych testach?
A, zabyŭ jašče adzinaje pytańnie ź litaratury, jakoje nam zadali: «Kto napisał «Jevhienija Oniehina»? Finiš.
Ciapier čytajuć
Cichanoŭski: Łukašenku treba sudzić pa łukašysckich zakonach, ale pasadzić na koł6
Kamientary