Pastajanny pradstaŭnik Biełarusi pry adździaleńni AAN i inšych mižnarodnych arhanizacyjach u Ženievie Juryj Ambrazievič abrany staršynioj Jeŭrapiejskaj ekanamičnaj kamisii, paviedamlaje BiełTA.
«Juryj Ambrazievič byŭ adnahałosna abrany na pasadu staršyni Jeŭrapiejskaj ekanamičnaj kamisii. Biełaruś upieršyniu abrana na pasadu kiraŭnika hałoŭnaha vykanaŭčaha orhana mižnarodnaj ekanamičnaj arhanizacyi sistemy AAN», — padkreślili ŭ biełaruskim źniešniepalityčnym viedamstvie.
Juryju Ambrazieviču 44 hady. Byŭ časovym pavieranym u Bielhii i Luksiemburhu, pamočnikam ministra zamiežnych spraŭ, u 2013—2015 adkazny sakratar Nacyjanalnaj kamisii Respubliki Biełaruś pa spravach JUNIESKA, zatym načalnikam hałoŭnaha ŭpraŭleńnia šmatbakovaj dypłamatyi MZS, ad 2015 hoda — pastajanny pradstaŭnik Biełarusi pry Adździaleńni AAN i inšych mižnarodnych arhanizacyjach u Ženievie.
