aa.com.tr
Ministr kultury Litvy Mindaŭhas Kvietkaŭskas paviedamiŭ žurnalistam, što na ŭračystuju cyrymoniju pierapachavańnia pareštkaŭ paŭstancaŭ, znojdzienych letaś na hary Hiedzimina ŭ Vilni, buduć zaprošanyja najvyšejšyja słužbovyja asoby Biełarusi, Polščy i Ukrainy, piša Radyjo Svaboda.
Heta nie aznačaje, što Alaksandr Łukašenka pryjedzie, na hety kont ministr ničoha skazać nia zmoh. Zaprašeńni budzie nakiroŭvać prezident Litvy.
«Uvosień płanujecca arhanizavać ŭračystuju cyrymoniju pierapachavańnia, — adznačyŭ litoŭski ministr, — budzie prapanavany farmat na samym vysokim uzroŭni — z udziełam pieršych asobaŭ Biełarusi, Polščy, Ukrainy. Heta było ŭchvalena padčas pasiedžańnia litoŭskaj uradavaj kamisii. Taksama vyrašana, što proźviščy ŭsich asudžanych na śmierć buduć zapisanyja na troch movach — litoŭskaj, polskaj i biełaruskaj, kab padkreślić važnaść paŭstańnia dla ŭsich zhadanych krain».
Dakładnaja data cyrymonii pakul nie abvieščanaja, usio budzie zaležyć ad rabot pa adnaŭleńni kaplicy na vilenskich mohiłkach Rosy. Čakajecca, što jany pavinny zaviaršycca da vieraśnia.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary