Rasijanin pakinuŭ «Miersiedes» na ramont u abłasnym centry, a znajšoŭ razabranym u Bychaŭskim rajonie. U lutym žychary Pskova pryjechali ŭ Mahiloŭski rajon dla zakupki harodniny. Adnak pa darozie ŭ ich złamaŭsia hruzavik «Miersiedes-Bienc 817». Da punkta pryznačeńnia nie dajechali ŭsiaho niekalki kiłamietraŭ.
Miascovaha aŭtaślesara znajšli chutka — majsternia była niedaloka. Kiroŭca, upeŭnieny, što ramont hruzavika ŭ nadziejnych rukach, adbuksiravaŭ jaho ŭ majsterniu i źjechaŭ nazad. Praz dva miesiacy ŭładalnika hruzavika čakaŭ siurpryz — aŭtaślesar, 35-hadovy mahiloviec, nijak nie moh uspomnić i rastłumačyć, dzie znachodzicca furhon. Ašukanamu pradprymalniku ničoha nie zastavałasia, jak źviarnucca pa dapamohu da pravaachoŭnikaŭ.
Supracoŭniki kryminalnaha vyšuku znajšli mašynu na terytoryi Bychaŭskaha rajona častkova razukamplektavanaj. Vyśvietliłasia, što aŭtamiechanik pieravioz jaje ŭ Bychaŭski rajon, kab pradać na zapčastki — karobki pieradač i niekatorych detalaŭ sałona ŭžo nie było.
Na ślesara zaviali kryminalnuju spravu pa artykule «Kradziež».