Расіянін пакінуў «Мерседэс» на рамонт у Магілёве, а знайшоў разабраным у Быхаўскім раёне
Расіянін пакінуў «Мерседэс» на рамонт у абласным цэнтры, а знайшоў разабраным у Быхаўскім раёне. У лютым жыхары Пскова прыехалі ў Магілёўскі раён для закупкі гародніны. Аднак па дарозе ў іх зламаўся грузавік «Мерседэс-Бенц 817». Да пункта прызначэння не даехалі ўсяго некалькі кіламетраў.
Мясцовага аўтаслесара знайшлі хутка — майстэрня была недалёка. Кіроўца, упэўнены, што рамонт грузавіка ў надзейных руках, адбуксіраваў яго ў майстэрню і з'ехаў назад. Праз два месяцы ўладальніка грузавіка чакаў сюрпрыз — аўтаслесар, 35-гадовы магілёвец, ніяк не мог успомніць і растлумачыць, дзе знаходзіцца фургон. Ашуканаму прадпрымальніку нічога не заставалася, як звярнуцца па дапамогу да праваахоўнікаў.
Супрацоўнікі крымінальнага вышуку знайшлі машыну на тэрыторыі Быхаўскага раёна часткова разукамплектаванай. Высветлілася, што аўтамеханік перавёз яе ў Быхаўскі раён, каб прадаць на запчасткі — каробкі перадач і некаторых дэталяў салона ўжо не было.
На слесара завялі крымінальную справу па артыкуле «Крадзеж».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары