U Polščy zatrymali žančynu za malunak Božaj Maci ź nimbam u kolerach ŁHBT
Polskaja palicyja zatrymała 51-hadovuju žančynu za «prafanacyju vobraza Božaj Maci». Žančyna raspaŭsiudžvała malunki Panny Maryi ź nimbam, razmalavanym u kolery viasiołkavaha ściaha ŁHBT, paviedamlaje partał Onet.
Kiraŭnik MUS Polščy Joachim Brudzinski napisaŭ u tvitary:
— Ja ŭdziačny polskaj palicyi za efiektyŭnuju apieracyju pa vyjaŭleńni i zatrymańni asoby, jakaja padazrajecca ŭ prafanacyi śviatoha dla palakaŭ vobraza Božaj Maci. Nijakija razmovy ab svabodzie i «talerantnaści» nie dajuć nikomu prava abražać pačućci viernikaŭ.
Dziękuję @PolskaPolicja za sprawną akcję z wytypowaniem i zatrzymaniem osoby podejrzewanej o profancję świętego od wieków dla Polaków wizerunku Matki Bożej. Żadne bajanie o wolności i „tolerancji” NIKOMU nie daje prawa do obrażania uczuć ludzi wierzących.
— Joachim Brudziński (@jbrudzinski) 6 maja 2019 h.
Žančynu zatrymali ŭ horadzie Płocku ŭ Centralnaj Polščy. Jana kala miascovaha kaścioła raźmiaščała na bijatualetach i śmietnikach nalepki i postary z vyjavaj Čanstachoŭskaj Božaj Maci. Nimby Panny Maryi i niemaŭlaci Chrysta na malunkach byli razmalavanyja ŭ kolery viasiołki (ściah ŁHBT).
Zatrymanaj pradjavili abvinavačańnie ŭ abrazie relihijnych pačućciaŭ i złoŭžyvańni abjektam relihijnaha kultu. Za padobnaje złačynstva praduhledžana pakarańnie ŭ vyhladzie štrafu abo pazbaŭleńnia voli na termin da 2 hadoŭ.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary