Nacyjanalnaje antykarupcyjnaje biuro Ukrainy zaviało kryminalnuju spravu pa fakcie mahčymaha niametavaha vykarystańnia biudžetnych srodkaŭ śpikieram Viarchoŭnaj Rady Andrejem Parubijem, paviedamlajuć «Ukrainskija naviny».
Padstavaj da dasudovaha rasśledavańnia pasłužyła videa, na jakim deputat znachodzicca ŭ basiejnie piacizorkavaha hatela Intercontinental Doha u Katary. Heta adbyłosia ŭ pačatku krasavika, kali Parubij braŭ udzieł u rabocie 140-j Asamblei Mižparłamienckaha Sajuza ŭ stalicy Katara Dosie. Pajezdka parłamientaryja była apłačana ź biudžetu Ukrainy.
Kryminalnaja sprava rasśledujecca pa artykułach «złoŭžyvańnie ŭładaj ci słužbovym stanoviščam» (č.1 art. 364 KK Ukrainy) i «parušeńnie zakanadaŭstva ab biudžetnaj sistemie» (č.1 art. 210 KK Ukrainy).
