Jak stała viadoma «Našaj Nivie», biełaruskija musulmanie źviarnulisia da ŭładaŭ z prośbaj dazvolić adnavić źniščanuju miačeć u Lachavičach.
Adpaviedny zvarot nakiravany da ŭpaŭnavažanaha pa spravach relihii Leanida Hulaki.
Infarmacyju nam paćvierdziŭ muftyj Duchoŭnaha ŭpraŭleńnia musulman Biełarusi Ali Varanovič.
«Sapraŭdy, u Lachavičach niekali była miačeć, za savietami jaje razabrali — prosta na doški. Tamu my navat nie pretendujem na toje, kab pabudavać niešta novaje, my chočam adnavić staroje, tolki što z novych materyjałaŭ. Darečy, navat toje miesca, dzie stajała miačeć, jano ciapier zaniataje — pryvatnaja ŭłasnaść. Tamu my prosim dazvołu adnavić jaje ŭ kancy vulicy. Supołka musulman u Lachavičach niedzie 40 čałaviek, ale pobač i Baranavičy — tam z paru socień. Tamu, kali budzie dazvoł, tudy budzie kamu chadzić, hrošy na pabudovu my źbiarom. Darečy, taja vulica, na jakoj my chočam adnavić miačeć, raniej i nazyvałasia — Tatarskaja», — skazaŭ Ali Varanovič.
Pavodle słovaŭ muftyja, ułady zaciahvajuć z vydačaj dazvołu na budaŭnictva — prajšło ŭžo niekalki miesiacaŭ z času pieršaj padačy.
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary