Sport33

Haračy maj u minskim «Dynama» i žyćcievyznačalnaja bitva łuzieraŭ. Cikavostki dziasiataha tura vyšejšaj lihi

Razam z Bukmiekierskaj kantoraj Marafon my praciahvajem sačyć za čempijanatam Biełarusi. Na minułym tydni prajšli matčy dziaviataha tura, a ŭ niadzielu adbyŭsia finał Kubka Biełarusi. 

Na poli CSK «Viciebski» sustrakalisia «Šachcior» i «Viciebsk». Chatniaja atmaśfiera i vydatnaja padtrymka kala 8 tysiač miascovych zaŭziataraŭ nie dapamahli haspadaram vyjhrać trafiej. Dziakujučy hałam Darka Boduła dy Nikoły Anciča salihorcy zavajavali pieršy za 5 hadoŭ trafiej, jaki taksama staŭ pieršym dla ich treniera Siarhieja Tašujeva. Letam abiedźvie kamandy čakaje kvalifikacyja Lihi Jeŭropy.

Fota: FK «Šachcior».

Što datyčycca matčaŭ čempijanatu, to tut taksama nie abyšłosia bieź niespadziavanak. Minskaje «Dynama», jakoje maje peŭnyja finansavyja prablemy, abnaŭlaje kiraŭnictva i pierachodzić pad kiravańnie Minharvykankama, u kancoŭcy hulni vyrvała pieramohu ŭ «Isłačy» i krychu padciahnułasia da favarytaŭ.

Narešcie zmoh zdabyć ački «Homiel» — u Mahilovie była zafiksavanaja ničyja. A ŭ Breście miascovaje «Dynama» prosta dekłasiravała «Nioman» — 6:1.

Na dnie tablicy — bieź źmienaŭ: «Minsk», «Tarpieda», «Słuck» i «Enierhietyk-BDU» svaje matčy prajhrali, pryčym z adnolkavym likam — 0:3.

Ciapier pierachodzim da padziej nastupnaha tura. 

«Isłač» — «Tarpieda-BiełAZ»

Abiedźvie kamandy sastupili ŭ minułym tury i krychu adpuścili lidaraŭ. Tamu najbližejšaja hulnia z punktu hledžańnia baraćby za najvyšejšyja pazicyi źjaŭlajecca vielmi važnaj.

Haspadary vyjduć na hulniu z traurnymi paviazkami, a taksama hulnia pačniecca z chviliny maŭčańnia z nahody raptoŭnaj śmierci kiroŭcy kłubnaha aŭtobusa «Isłačy». 

Prahnoz «NN»: totał bolšy za 2.5.

«Šachcior» — «Dniapro»

U apošni dzień viasny ŭładalnik Kubka Biełarusi budzie sustrakacca z mahiloŭskimi anderdohami. Zdajecca, z favarytam usio jasna, ale ŭžo adnojčy «Šachcior» biła pa nosie kamanda, značna nižejšaja pa kłasie, tamu treba być aściarožnymi. Tym bolš na fonie ejfaryi ad zavajavańnia tytułu možna narvacca na niedaacenku supiernika.

Ci dapamoža trafiej pavialičyć naviedvalnaść chatnich matčaŭ «Šachciora» abo dačny siezon i nievysoki status supiernika ŭsio znoŭ sapsujuć — taksama adno z važnych pytańniaŭ budučaj hulni.

Prahnoz «NN»: pieramoha «Šachciora».

«Enierhietyk-BDU» — «Haradzieja»

  • 01.06, 15:00. Minsk, stadyjon RCAR-BDU

«Haradzieja» vyjhrała try z čatyroch majskich matčaŭ i prymusiła zabycca na niaŭdały start čempijanatu. Ale «cukrovyja» pakul znachodziacca na dziasiatym radku, tamu pracy jašče šmat napieradzie.

Fota: FK «Haradzieja».

U «studentaŭ» usio naadvarot — u mai tyja nabrali tolki 1 bał z 12 mahčymych i dzielać 13-y radok razam sa «Słuckam». Zona vyletu — na adlehłaści vysunutaj ruki, tamu treba niešta mianiać.

Prahnoz «NN»: «Haradzieja» nie sastupić.

«Viciebsk» — «Dynama-Minsk»

  • 01.06, 17:00. CSK «Viciebski»

22 maja «Viciebsk» u čempijanacie pieramoh «Enierhietyk-BDU» — za hulnioj nazirała 1530 čałaviek. Za finałam Kubka — 7954. U subotu viciebčuki znoŭ hulajuć doma, i nieviadoma, ci paspryjaje tytulnaja hulnia pavieličeńniu hladackaj aktyŭnaści.

U kiraŭnictvie «Dynama» — źmieny. Kamandu pakidajuć Vital Bułyha i Siarhiej Piernikaŭ, jakija pracavali spartovym i hienieralnym dyrektarami kłuba. Na miesca pieršaha svatajuć Juryja Pokłada, jaki pracavaŭ trenieram zbornaj U-14, a spartovym dyrektaram musić stać hałoŭny trenier mini-futbolnaj «Stalicy» Andrej Tołmač.

Prahnoz «NN»: totał mienšy za 2.5.

«Homiel» — BATE

  • 01.06, 19:00. Homiel, stadyjon «Centralny»

Paśla piaci prajhranych matčaŭ «Homiel», u rešcie rešt, zmoh zarabić turnirny bał u hulni z «Dniaprom», ale, vidać, užo nieŭzabavie pačniecca novaja niepryjemnaja sieryja, bo na poŭdzień Biełarusi jedzie BATE.

Amal 6 hod hamielčuki nie mohuć pieramahčy ŭ biełaruskaha hiehiemona, i imaviernaść pieršaj z 2013 hoda pieramohi, ščyra skažam, nievysokaja.

Prahnoz «NN»: pieramoha BATE.

«Tarpieda» — «Minsk»

  • 02.06, 16:00. Minsk, stadyjon «Traktar»

Matč dźviuch apošnich kamand tablicy, u aktyvie jakich tolki adna pieramoha na dvaich za ŭsie papiarednija matčy. «Minsk» jašče nie pieramahaŭ, a «Tarpieda» ŭ dzieviaci matčach adznačyłasia ŭsiaho dvojčy. 

Lepšaj nahody dla vyratavańnia, vidać, i ŭjavić nielha. Padobna da taho, što paśla hetaha matča možna čakać pieršaj trenierskaj adstaŭki ŭ čempijanacie.

Prahnoz «NN»: totał mienšy za 2.5.

«Słuck» — «Dynama-Brest»

  • 02.06, 18:00. Słuck, stadyjon «Haradski»

Słuččaki praciahnuli svaju niezajzdrosnuju sieryju na «Barysaŭ-Arenie», prajhraŭšy BATE ź likam 0:3. Mahli prapuścić našmat bolš, ale hierojstvavaŭ Ilja Branaviec, darečy, adziny hadavaniec słuckaha futboła ŭ składzie kamandy.

U niadzielu ŭ Słuck pryjazdžaje lidar tablicy, jaki ŭ siarednim zabivaje sioleta nie mienš za 2 miačy. U «Słucka» ž — usio naadvarot: bolš za 2 prapuščanych za hulniu.

Ale što cikava: u postšejchaŭskija časy «Dynama» ŭ Słucku jašče nie vyjhravała — apošni raz heta zdaryłasia ŭ 2016 hodzie. Ci ŭdasca na hety raz?

Prahnoz «NN»: pieramoha «Dynama».

«Nioman» — «Słavija»

  • 02.06, 19:45. Hrodna, CSK «Nioman»

Abiedźvie kamandy majuć identyčnuju statystyku ŭ hetym čempijanacie i dzielać siomy radok. Kali dla haradziencaŭ miesca ŭ pieršaj pałovie tablicy — źjava typovaja, to dla palešukoŭ, što tolki viarnulisia ŭ vyšejšy śviet, — dasiahnieńnie.

«Niomanu» treba reabilitavacca za 1:6 u Breście. Ale budzie vielmi niaprosta.

Fota: FK «Nioman».

Prahnoz «NN»: «Nioman» nie sastupić.

TURNIRNAJA TABLICA

Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon

Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!

Kamientary3

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim16

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Usie naviny →
Usie naviny

«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi3

U parku Čaluskincaŭ źjavicca «Vieža svabodnaha padzieńnia»2

Miadźviedzieŭ pra ŭltymatum Trampa: Rasii ŭsie roŭna8

«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES17

Trampa spytali, ci jon usio jašče ličyć NATA sastarełaj arhanizacyjaj

Pakalečanaja ŭ Dubai ŭkrainskaja madel pačała havaryć33

«Napramak suśvietnaha ŭzroŭniu». Kurort u Paŭnočnaj Karei budavali, kab adkryć KNDR śvietu, ale pakul i rasijanie nie chočuć jechać8

BMW sutyknułasia ź ZIŁ. Dva čałavieki zahinuli ŭ DTZ u Žytkavickim rajonie

Novy «Supiermien» atrymaŭsia na redkaść dušeŭnym i biez hlancu5

bolš čytanych navin
bolš łajkanych navin

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim16

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić