Žurnalisty BT pradstaviać novy cykł karotkamietražnych rolikaŭ «Ravieśniki niezaležnaści» 2 červienia ŭ prahramie «Hałoŭny efir». Paviedamlajecca, što roliki buduć pryśviečany «25-hodździu niezaležnaści Biełarusi».
«Roŭna 25 hadoŭ tamu Biełaruś vybrała šlach niezaležnaha raźvićcia i pa hety dzień prytrymlivajecca hetaha kursu, staŭšy viadomym miralubivym hulcom na palityčnaj arenie, radzimaj vydatnych spartsmienaŭ i tvorcaŭ, adnym ź lidaraŭ u IT-śfiery», — paviedamlaje BT.
Takim čynam, dziaržaŭnaje telebačańnie viadzie adlik niezaležnaści nie ad 1990 ci 1991, a ad 1994 hoda.
Pavodle kancepcyi prajekta, dziesiać maładych ludziej, kožnamu ź jakich pa 25 hadoŭ, dajuć intervju žurnalistam, adkazvajučy na pytańni ab ułasnym minułym i tym, jak jano źviazana ź minułym krainy. Paralelna z adkazami hierojaŭ na ekranie źjaŭlajecca videasupravadžeńnie tych padziej, pra jakija idzie razmova.
Usie 10 mini-filmaŭ buduć vychodzić na «Biełaruś-1» až da 3 lipienia.
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary