U pačatku červienia ŭ sacyjalnych sietkach hrodziency stali paviedamlać ab našeści vožykaŭ u horadzie. Hetych źviarkoŭ u vialikaj kolkaści ŭsio čaściej možna ŭbačyć u haradskich skvierach i žyłych rajonach. Śpiecyjalisty paviedamlajuć, što z kožnym hodam kalučyja žyvioły ŭsio bližej padbirajucca da ludziej, paviedamlaje hrodna.life
Namieśnik dyrektara Hrodzienskaha zaaparka Vital Humienny adznačaje, što vožyki — heta nie sabaki i nie katy, i brać ich dadomu nie rekamiendujecca. Ich miesca — u žyvoj pryrodzie, dzie jany vykonvajuć svaju rolu. U horadzie hetych žyvioł pryciahvaje vialikaja kolkaść adchodaŭ.
«Raniej takoha nie było. A zaraz z kožnym hodam vožykaŭ usio bolš i bolš. Uspaminajem letašniuju situacyju na Dambroŭskaha, dzie vožyki stvaryli cełuju ściežku. Uviečary paśla šaści možna było nazirać za ich pieramiaščeńniem. Usio z-za taho, što ŭ horadzie šmat miescaŭ z adchodami, dzie jany mohuć charčavacca. U hety pieryjad u vožykaŭ źjaŭlajecca patomstva i jany vykarystoŭvajuć haradskija terytoryi jak palaŭničyja ŭčastki», — raspavioŭ Vital Humienny.
Vožykaŭ nie rekamiendujecca čapać i padkormlivać. Hetyja žyvioły źjaŭlajucca pierš za ŭsio płatajadnymi i ŭsie pradukty źviazanyja z małakom dla ich zhubnyja. U vožykaŭ dastatkova ježy ŭ pryrodzie. Padkormka hetych žyvioł tolki pryciahvaje ich u harady i viadzie da taho, što ich časta pierajazdžajuć na darohach
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary