Alaksandr Łukašenka aryjentuje kiraŭnictva ajčynnych naftapierapracoŭčych pradpryjemstvaŭ vyklučna ŭ dziełavym klučy vyrašać pytańni pa kampiensacyi strat u vyniku pastaŭki ŭ Biełarusi niekandycyjnaj rasijskaj nafty. Pra heta jon zajaviŭ siońnia padčas naviedvańnia AAT «Naftan», pieradaje BIEŁTA.
Było adznačana, što zabrudžanaja nafta dajšła da NPZ u Mazyry, a na «Naftanie» paśpieli zreahavać, ale była značna źnižanaja zahruzka pradpryjemstva.
«Ty kamiersant, ty kiraŭnik pradpryjemstva, — źviarnuŭsia kiraŭnik dziaržavy da hiendyrektara «Naftana» Alaksandra Dziamidava, — dla ciabie pavinien być maksimalny efiekt, nie važna adkul: ci ŭ vytvorčaści, abo pradaŭ daražej — za košt markietynhu, abo za košt kampiensacyi škody».
«Nie treba kryčać, nastupać i inšaje, ale svaje intaresy treba zachoŭvać. Ale poŭzać na kaleniach nie treba. Treba sadzicca i pa-dziełavomu vyrašać», — padkreśliŭ Łukašenka.
Alaksandr Łukašenka ŭ suviazi z hetym adznačyŭ, što bačyć u ŚMI infarmacyju ab tym, što šerah mižnarodnych kampanij pradjaŭlajuć Rasii škodu na sumu da $ 800 młn.
«Ale my bolš za ŭsio paciarpieli. A nam kažuć: nu, što tam, biełarusy, — jany ničoha nie stracili. Jak tak?! Tamu treba sačyć i hladzieć, čamu jany, naprykład, płaciać $ 800 młn škody, a my bolš za ŭsich paciarpieli, ale $ 20 młn», — skazaŭ jon.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie6
Kamientary