Kanstytucyjny sud Małdovy dazvoliŭ raspuścić parłamient krainy, pieradaje NewsMaker. Heta zdaryłasia paśla taho, jak učora ŭ parłamiencie prarasijskija i prajeŭrapiejskija siły pajšli na kampramis. Novaj premjerkaj stała byłaja ministr adukacyi Maja Sandu z prajeŭrapiejskaj kaalicyi Acum («Zaraz») — supiernica Dadona na apošnich prezidenckich vybarach. Jana pryniesła prysiahu prosta ŭ zale plenarnych pasiadžeńniaŭ.
U Kanstytucyjny sud 9 červienia źviarnuŭsia Pavieł Filip, papiaredni premjer krainy. Filip zapatrabavaŭ raspuścić parłamient, bo toj «niazdolny sfarmiravać urad».
U zvarocie Filipa ŭ KS adznačajecca, što parłamient Małdovy pavinien byŭ na praciahu 90 dzion vybrać kiraŭnictva i stvaryć ŭrad. «Da 7 červienia nie byli sfarmiravanyja pracoŭnyja orhany parłamienta», — adznačajecca ŭ zajavie.
U KS adkazali, što niemahčymaść sfarmavać urad dazvalaje raspuścić parłamient.
Rašeńnie KS «kančatkovaje, abskardžańniu nie padlahaje i ŭstupaje ŭ siłu z momantu publikacyi».
Napiaredadni KS adchiliŭ prezidenta Ihara Dadona ad pasady. Na sajcie KS paviedamili, što Dadon parušyŭ Kanstytucyju, nie raspuściŭšy parłamient. KS vyrašyŭ časova pieradać paŭnamoctvy Paŭłu Filipu.
Sud i raniej prymaŭ rašeńni, vyhadnyja multymiljanieru Uładzimiru Płachatniuku i jaho Demakratyčnaj partyi, ale suprać Płachatniuka abjadnalisia nieprymirymyja vorahi.
Pry vyklučanym śviatle: u Małdovie prarasijskija i prajeŭrapiejskija siły pajšli na kampramis, kab adchilić ad ułady Płachatniuka
Bližej da viečara stała viadoma:
Kamientary