Jeŭrapiejski sajuz na ŭzroŭni Jeŭrakamisii i Vysokaha pradstaŭnika pa pytańniach źniešniaj palityki aficyjna paviedamiŭ, što ličyć lehitymnym abrańnie novaha ŭrada Małdovy.
Jeŭrapiejski sajuz hatovy pracavać z novym uradam Małdovy, havorycca ŭ zajavie Jeŭrakamisara Jochanesa Chana i Viarchoŭnaha pradstaŭnika ES pa pytańniach źniešniaj palityki i palityki biaśpieki Fiederyki Mahieryni, apublikavanym 9 červienia na sajcie Jeŭrapiejskaj słužby źniešnich suviaziaŭ.
«Jeŭrapiejski sajuz stanoŭča ŭsprymaje rašeńni, pryniatyja ŭ subotu parłamientam Respubliki Małdova, u tym liku ab farmiravańni kirujučaj kaalicyi, — zajavili Chan i Mahieryni, kančatkova staŭšy na bok novaj kaalicyi Sacpartyi i błoka ACUM.
«Jeŭrapiejski sajuz hatovy pracavać z demakratyčna lehitymnym uradam na asnovie ŭzajemnaj prychilnaści reformam i asnoŭnym pryncypam, zamacavanym u našym Pahadnieńni ab asacyjacyi. Pavaha da viaršenstva prava i demakratyi pavinna zastavacca asnovaj našych adnosin. Heta taksama pierš za ŭsio toje, čaho čakajuć i zasłuhoŭvajuć hramadzianie Respubliki Małdova», — adznačajecca ŭ zajavie.
ES zaklikaŭ da spakoju i strymanaści ŭ suviazi z rašeńniami, pryniatymi parłamientam Małdovy napiaredadni.
«Dyjałoh pamiž demakratyčna abranymi pradstaŭnikami pavinien zastavacca klučom da pošuku rašeńnia hetaha palityčnaha kryzisu», — dadali Mahieryni i Chan.
24 lutaha ŭ Małdovie prajšli parłamienckija vybary, nahadvaje gordonua.com. Jaŭka skłała 49,22%. Partyja sacyjalistaŭ atrymała 31,15%, prajeŭrapiejski błok Acum — 26,84%, kirujučaja Demakratyčnaja partyja — 23,62%, partyja «Šor», čyjoj ideałohijaj źjaŭlajecca baraćba za pravy nacmienšaściaŭ, — 8,32%.
8 červienia Kanstytucyjny sud Małdovy vyrašyŭ, što parłamient krainy varta raspuścić, bo jon na praciahu 90 dzion nie zdoleŭ sfarmavać urad. Pavodle zakanadaŭstva Małdovy, prezident Ihar Dadon pavinien raspuścić zakanadaŭčy orhan krainy i pryznačyć daterminovyja vybary.
Dadon zajaviŭ, što pakul nie budzie raspuskać parłamient.
8 červienia na ekstranym pasiadžeńni parłamienta Małdovy deputaty abrali ŭrad krainy, pryznačyŭšy premjer-ministram Maju Sandu (błok Acum).
Čytajcie taksama:
Pry vyklučanym śviatle: u Małdovieprarasijskija i prajeŭrapiejskija siły pajšli na kampramis, kab adchilić ad ułady Płachatniuka
Dvajaŭładździe ŭ Małdovie. Partyja Płachatniuka abviaściła pra rospusk parłamienta
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary