24 červienia sud Vałožynskaha rajona abviaściŭ pryhavor kiroŭcu maršrutki, jaki vosieńniu minułaha hoda vioz pasažyraŭ ź Minska ŭ Hrodna, nie zaŭvažyŭ, što z-za ramontu daroha źmianiaje napramak, i trapiŭ u DTZ. U avaryi zahinuli dva čałavieki, jašče 13 atrymali traŭmy, piša TUT.BY.

U vyniku DTZ dvoje pasažyraŭ zahinuli: 66-hadovaja žančyna pamierła na miescy, 71-hadovy mužčyna — u balnicy. Kiroŭca i 13 pasažyraŭ maršrutnaha taksi, siarod jakich 11-hadovaja i piacihadovaja dziaŭčynki, žančyna na 5-m miesiacy ciažarnaści, z traŭmami roznaha charaktaru byli špitalizavany.
Kiroŭcu akazali miedyčnuju dapamohu, paśla čaho jaho ŭziali pad vartu.
Sud Vałožynskaha rajona pryznaŭ vinavatym 46-hadovaha vadziciela-ipešnika ŭ parušeńni praviłaŭ darožnaha ruchu, što paciahnuła pa nieaściarožnaści śmierć dvuch čałaviek, pryčynieńni ciažkich i mienš ciažkich cialesnych paškodžańniaŭ (č. 3 art. 317 KK Biełarusi). Jamu pryznačyli pakarańnie ŭ vyhladzie pazbaŭleńnia voli na termin 6 hadoŭ z adbyvańniem u papraŭčaj kałonii va ŭmovach pasialeńnia z pazbaŭleńniem prava kiravańnia transpartnymi srodkami na termin 5 hadoŭ.
Kamientary