34 pazicyi: abvieščany poŭny śpis naminantaŭ na Premiju Hiedrojca
14 červienia zakončyŭsia pryjom zajavak na ŭdzieł u litaraturnaj premii imia Ježy Hiedrojca. Pretendavać na pieramohu mohuć knihi, napisanyja na biełaruskaj movie ŭ žanrach mastackaj i dakumientalnaj prozy, vydadzienyja ŭ papiarovym albo elektronnym varyjancie pamiž 1 studzienia i 31 śniežnia 2018 hoda.Padčas pieršaha pasiadžeńnia žury razhledzieła dasłanyja zajaŭki i zaćvierdziła poŭny śpis naminavanych na premiju knih. Sioleta jon składajecca z 34 pazicyj.
Poŭny śpis naminantaŭ
- Michał Andrasiuk. Poŭnia. — Biełastok: Prahramnaja rada tydniovika «Niva»
- Jaŭhien Asnareŭski. Trykutnik Karala. — Elektronnaja kniharnia Januškievič
- Aleś Arkuš. Spadčyna. — Połacak: Vydavieckaja inicyjatyva «Połackaje lada»
- Siarhiej Biełajar. Rasśledavańni inśpiektara Sarvy. — Minsk: Halijafy
- Alena Brava. Sadomskaja jabłynia. — Minsk: Halijafy
- Aleś Byčkoŭski. Dabradziei i harmidar kvantavaj litaratury. — Minsk: Halijafy
- Źmicier Višnioŭ. Kali pryhledziecca — Mars sini. — Minsk: Januškievič
- Valer Hapiejeŭ. Pazł. — Minsk: Halijafy
- Radzim Harecki. Apantany Baćkaŭščynaj. Žyćciovy miełandž-2. — Minsk: Knihazbor
- Adam Hłobus. Kazki staličnyja. — Minsk: Knihazbor
- Andrej Horvat. Premjera. — Minsk: Miedysont
- Zoja Dola. Čas paśla Sajuza. — Minsk: Miedysont
- Siarhiej Dubaviec. Djabał zaprežany ŭ płuh. — Vilnia: Łohvinaŭ
- Zinaida Dudziuk. Hondy. — Brest: Alternatyva
- Kaciaryna Zacharevič. Vohnienny ptuškałoŭ. — Minsk: Knihazbor
- Jaŭhien Zubovič. Biełaruski pałkoŭnik. Kniha 1. — Minsk: Pazityŭ-centr
- Siarhiej Kalenda. Časam panki pamirajuć. — Vilnia: Łohvinaŭ
- Mikoła Kaladny. Sudumańnie. — Minsk: Halijafy
- Aleś Kirkievič. Samuraj. — Minsk: Knihazbor
- Ściapan Korf. Paleski dyjaryuš dyvizii Sierakoŭskaha. — Minsk: Knihazbor
- Aleś Mara. Ad Mahnita-Bałabuja da Hotłanda. — Minsk: Halijafy
- Uładzimir Maroz. Try sšytki (Tom 2. Vybranaje ŭ troch tamach). — Minsk: Halijafy
- Viktar Marcinovič. Noč. — Minsk: Knihazbor
- Vinceś Mudroŭ. Pomnik litary Ŭ. — Minsk: Januškievič
- Ludmiła Rubleŭskaja. Pantofla Mniemaziny. — Minsk: Januškievič
- Illa Sin. Libido. — Minsk: Knihazbor
- Darja Trajden. Kryštalnaja noč. — Minsk: Knihazbor
- Stanisłava Umiec. Serca Sakry. — Minsk: Mastackaja litaratura
- Andrej Fiedarenka. Suziralnik. — Minsk: Knihazbor
- Kamiła Cień. Sakret firmy. — Elektronnaja kniharnia Januškievič
- Kamiła Cień. Ja prydu za taboj u aŭhuście. — Elektronnaja kniharnia Januškievič
- Siarhiej Šapran. U pošukach sensu. Intervju i dyjałohi sa Śviatłanaj Aleksijevič. — Smalensk: Inbiełkult
- Julija Šarova. Viartańnie Lilit. — Minsk: Januškievič.
- Siarhiej Šupa. Padarožža ŭ BNR. — Radyjo Svabodnaja Eŭropa / Radyjo Svaboda
U žury Premii Hiedrojca sioleta ŭvajšli: Piatro Vasiučenka, piśmieńnik, litaraturaznaŭca; Maksim Žbankoŭ, kulturołah, krytyk, eseist; Žana Kapusta, litaraturny krytyk, litaraturaznaŭca; Maryja Martysievič, paetka, pierakładčyca, arhanizatarka kulturnickich prajektaŭ; Anžeła Mielnikava, litaraturaznaŭca; Aleś Paškievič, prazaik, litaraturaznaŭca, pieršy namieśnik staršyni Sajuza biełaruskich piśmienikaŭ; Hanna Sieviaryniec, prazaik, archivist, litaraturaznaŭca, nastaŭnica.
Premija imia Ježy Hiedrojca ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i maje status hałoŭnaj niezaležnaj litaraturnaj uznaharody Biełarusi.
Papiarednija pieramožcy Premii: Pavał Kaściukievič, «Zbornaja RB pa niehałoŭnych vidach sportu» (2012), Uładzimir Niaklajeŭ, «Aŭtamat z haziroŭkaj ź siropam i biez» (2013), Ihar Babkoŭ, «Chvilinka: Try historyi» (2014), Viktar Kaźko, «Čas źbirać kości» (2015), Maks Ščur, «Zaviaršyć hieštalt» (2016), Źmicier Bartosik, «Byŭ u pana vierabiejka havaruščy» (2017), Uładzimir Arłoŭ, «Tancy nad horadam» (2018).
Uračystaja cyrymonija ŭznaharodžańnia adbudziecca 25 vieraśnia ŭ prastory ZALA#2, što ŭ mienskim Pałacy mastactvaŭ.
Kamientary