Aŭtorak, 27 studzienia, 21.15. Dak. film.
Niavydumanyja losy ludziej i histaryčnyja dakumienty stalisia hruntam našaha apoviedu pra blizkuju supracu NKVD i Hiestapa ŭ roznych halinach – u tym liku pra abmien viaźniami. SSSR dasyłaŭ u Niamieččynu ŭ asnoŭnym antyfašystaŭ i habrejaŭ, jakich tam źniščali.
Niemcy naŭzamien vydavali Maskvie ludziej, jakija raniej emihravali z Rasiei dy vystupali suprać Savieckaha Sajuzu. Jany ŭ asnoŭnym zahinuli ŭ HUŁAHu.
Pracaŭniki NKVD i Hiestapa rabili supolnuju pracu i dobra adzin adnaho razumieli.
Navat mietodyka pracy ź viaźniami była padobnaja. Pra heta my bolej daviedajemsia ŭ Vilenskim muziei hienacydu i Muziei Hiestapa ŭ Kiolnie.
Ale ŭ Litvie i Niamieččynie dziejnaść abodvuch hetych arhanizacyjaŭ pryznanaja złačynnaju, a ŭ Biełarusi vysokija čynoŭniki da siońnia zajaŭlajuć, što «našyja čekisty» nie niasuć navat maralnaj adkaznaści za represii suprać sotniaŭ tysiač i miljonaŭ nievinavatych ludziej u stalinskija časy. Navat tyja, chto ŭłasnaručna katavaŭ i rasstrelvaŭ ludziej nie za złačynstvy, a pavodle «raznaradki».
rež. Uładzimir Samojłaŭ. 2009 h.
