Kiraŭnik administracyi Zialenskaha prapanavaŭ zrabić ruskuju movu rehijanalnaj dla Daniecka i Łuhanska
Ofis prezidenta Ukrainy moža prapanavać refierendum pa statusie rehijanalnaj movy dla ruskaj na terytoryi Danieckaj i Łuhanskaj abłaściej. Pra heta zajaviŭ kiraŭnik OPU Andrej Bohdan u intervju RBK-Ukraina.
U pryvatnaści, u suviazi ź idejaj, ź jakoj administracyja novaabranaha prezidenta vystupiła ŭ pieršyja dni refierendumu pa pieramovach z Rasijaj, Bohdan udakładniŭ:
«Takoha paniaćcia nie było — nie pra pieramovy z Rasijaj, a pa tonkich momantach, naprykład, pa pytańni movy. «My možam dazvolić Danieckaj i Łuhanskaj abłaściam razmaŭlać pa-rusku, kali ŭ nas pačniecca mir u krainie? My zadajom pytańnie «tak/nie». «Kali tak, to Danieck i Łuhansk razmaŭlajuć pa-rusku».
Na pytańnie, ci nie pryviadzie heta da łancuhovaj reakcyi (kali dazvolena Daniecku i Łuhansku, to potym prychodzić Adesa i kaža, što jana taksama choča), Bohdan adkazaŭ:
«Davajcie jašče zabjem na vajnie piatnaccać tysiač našych hramadzian?»
Razam z tym kiraŭnik OPU udakładniŭ, što vystupaje suprać idei ruskaj jak druhoj dziaržaŭnaj.
«Nie, ja sam ź Lvova, u mianie tut banderaŭcy, ja — za ŭkrainskuju movu, ja — za Ukrainu, ale ŭ nas jość prablemy, my pavinny ich vyrašyć. My biaskonca havorym, ale my nie vyrašajem ich, ale my pavinny ich vyrašać».
«Asabista majo mierkavańnie: ja b dazvoliŭ Daniecku i Łuhansku dziaržaŭnaj — ukrainskuju, rehijanalnaj — ruskuju i pry ŭmovie, što paśla hetaha jany — terytoryja Ukrainy», — dadaŭ jon.
Kamientary