Kitajskija mytniki vykarystoŭvajuć špijonskuju prahramu dla pravierki smartfonaŭ turystaŭ, jakija ŭjazdžajuć u krainu praź niekatoryja prapusknyja punkty va Ujhuryi. Virus skanuje fajły pryłady na pradmiet ekstremisckaha kantentu, źbiraje danyja i pieradaje spravazdaču ŭładam, piša The Guardian.
Špijonskaja prahrama skanuje kantakty, paviedamleńni, historyju zvankoŭ, zapisy ŭ kalendary, a taksama śpis prahram i psieŭdanimy ŭ sacsietkach. Zatym prahrama adpraŭlaje spravazdaču z danymi na admysłovy siervier.
Pakul što prahramu ŭstaloŭvajuć tolki na ŭjeździe ŭ Kitaj praź miažu z boku Kyrhyzstana. U turystaŭ prosiać razbłakavać pryłady pierad časovym adabrańniem.
Prahramu ŭstaloŭvajuć tolki na Android-smartfony.
Imavierna, sačeńnie nakiravana suprać ujhuraŭ — ciurkskaha naroda na paŭnočnym zachadzie Kitaja. Pravaabaroncy abvinavačvajuć kitajskija ŭłady ŭ imknieńni asimilavać hetu etničnuju mienšaść.