Słužba biaśpieki Ukrainy sumiesna z vajennaj prakuraturaj zatrymała rasijski tankier Neyma, jaki błakavaŭ ukrainskija vajennyja karabli ŭ Kierčanskim pralivie. Pra heta paviedamlajecca ŭ aficyjnym akaŭncie viedamstva ŭ fejsbuku.
Tankier NEYMA ŭ Kierčanskim pralivie
Ciapier hrupa śledčych SBU, vajennych prakuroraŭ i pahraničnikaŭ u zatrymanym tankiery zaviaršyła sankcyjanavanyja ŭkrainskim sudom śledčyja dziejańni: pieratrus dla vyśviatleńnia faktyčnych abstavin spravy, kanfiskacyja dakumientaŭ z sudna, zapisy radyjopieramoŭ padčas kanfliktu, bartavyja časopisy, apytanyja členy kamandy tankiera.
Ukazanaje sudna pryznana rečavym dokazam, rychtujecca chadajnictva ŭ sud ab jaho aryšcie».
Słužba biaśpieki Ukrainy pravodzić dasudovaje rasśledavańnie zabłakavańnia tankieram Neyma Kierča-Jenikalskaha kanała ŭ Kierčanskim pralivie.
Śledstva ličyć, što nasupierak normam mižnarodnaha marskoha prava vajskoŭcy pahraničnych vojskaŭ Fiederalnaj słužby biaśpieki Rasii niezakonna, z vykarystańniem zbroi zabłakavali ruch ukrainskich vajskovych karabloŭ padčas prachodžańnia Kierča-Jenikalskaha kanała ŭ Kierčanski pralivie pry dapamozie tankiera Neyma.
Kab schavać datyčnaść rasijskich karabloŭ, tankier źmianiŭ nazvu Neyma na Nika Spirit.