Na Kastryčnickaj vulicy ŭ Minsku ŭstalavali art-prajekt, pryśviečany tramvaju FOTY
Na tusovačnaj vulicy Kastryčnickaj źjaviŭsia vialiki fotakałaž, pryśviečany minskamu tramvaju. Fotarepartaž pra heta apublikavaŭ TUT.BY.
Tema nie vypadkovaja: hetamu vidu transpartu ŭ biełaruskaj stalicy spaŭniajecca 90 hadoŭ.
Novy art-abjekt možna ŭbačyć u dvary Halerei sučasnaha mastactva «Ŭ» (vulica Kastryčnickaja, 19). Pa samoj vulicy Kastryčnickaj tramvai nie chodziać z 2015 hoda.
— Heta fotakałaž, — tłumačyć aŭtar, biełaruski vuličny mastak Andrej Busieł. — Histaryčny tramvaj sfatahrafavaŭ u muziei i apracavaŭ zdymak. A ludziej ŭziaŭ z fatahrafij, zroblenych na Kamaroŭcy.
U kałažy vykarystoŭvalisia zdymki Sašy Skuki.
Prajekt padymaje i pytańnie dastupnaści i adkrytaści vulicy Kastryčnickaj dla ludziej roznych uzrostaŭ i sacyjalnych słajoŭ. Pracu nazvali «Ahulny vahon».
— Mnie zdajecca cikavym pasprabavać zirnuć na Kastryčnickuju vačyma čałavieka, jakoha vypadkova zaniesła ŭ moładzievy kłastar. Davajcie ŭjavim, što pasažyr tramvaja vypadkova prajechaŭ svoj prypynak i apynuŭsia ŭ śviecie zavodaŭ, jakija raptam pieratvarylisia ŭ restarany i vystavačnyja placoŭki, — havoryć Andrej Busieł.
Kamientary