Hłybocki rajvykankam nie dazvoliŭ pravodzić pikiety ŭ abaronu niedziaržaŭnaj hazety «Volnaje Hłybokaje» na haradzkim kirmašy — tam, dzie raspaŭsiudžvajecca adzinaje na Viciebščynie niezaležnaje vydańnie.
Aktyvist Ruchu za Svabodu Jarasłaŭ Biernikovič atrymaŭ ad hłybockich uładaŭ piśmovuju admovu nakont pikietaŭ, jakija mierkavaŭ pravodzić z 11 lutaha da 26 sakavika. Hłybocki rajvykankam spasłaŭsia na ŭłasnuju pastanovu, zhodna ź jakoj pravodzić hramadzkija akcyi na kirmašach nielha — jany dazvolenyja tolki na ŭskrajku rajcentru, kala budynka rajonnaha Doma kultury, dzie zvyčajna byvaje zusim mała minakoŭ.
Pravodzić pikiety ŭ hetym miescy hłybockija aktyvisty ličać niemetazhodnym.
Baranić intaresy hazety «Volnaje Hłybokaje», jakaja ŭ 2006 hodzie była vyklučana z padpisnoha kataloha j raspaŭsiudžvajecca vyklučna namahańniami hałoŭnaha redaktara i zasnavalnika Ŭładzimiera Skrabatuna, jany miarkujuć inšymi šlachami.Tak, u studzieni hetaha hodu aktyvisty sabrali podpisy pad kalektyŭnym listom da kiraŭnika rajonnaha vuzła suviazi Aleha Pačkoŭskaha z patrabavańniem patłumačyć, čamu na «Volnaje Hłybokaje» skasavanaja i dahetul nie adnoŭlenaja padpiska, jak, da prykładu, na hazety «Narodnaja vola» i «Naša Niva». Ale adkazu na hety list tak i nie atrymali.
Da akcyjaŭ, kab padtrymać hazetu «Volnaje Hłybokaje», dałučylisia viciebskija siabry BAŽ. Jany nakiravali zajavy staršyni Hłybockaha rajvykankamu i kiraŭniku idealahičnaha adździełu z patrabavańniem patłumačyć, čamu dźvie rehijanalnyja hazety — dziaržaŭnaja rajonka «Vieśnik Hłyboččyny» i niezaležnaje vydańnie «Volnaje Hłybokaje» — majuć niaroŭnyja pravy i čamu praz heta abmiažoŭvajecca kanstytucyjnaje prava čytačoŭ na atrymańnie praŭdzivaj i roznabakovaj infarmacyi.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary