Sałaŭjoŭ i Małachaŭ uznačalvajuć rejtynh davieru da žurnalistaŭ u Rasii
U piaciorku žurnalistaŭ, što vyklikajuć najbolšy davier u rasijan trapili tolki televiadučyja fiederalnych kanałaŭ, pavodle apytańnia Levada-centra. «Chto ŭ televizary — toj i karystajecca davieram», — tłumačać sacyjołahi.
Levada-centr nazvaŭ žurnalistaŭ, jakija karystajucca ŭ rasijan najbolšym davieram, piša RBK. Heta viadučyja televizijnych tok-šou i navinavych prahram Uładzimir Sałaŭjoŭ («Rasija-1»), Andrej Małachaŭ («Rasija-1»), Andrej Norkin (NTV), Uładzimir Poźnier («Pieršy kanał») i Volha Skabiejeva («Rasija 1»).
Hodam raniej u top najbolš aŭtarytetnych dla rasiejcaŭ žurnalistaŭ trapili tyja ž fihury — Sałaŭjoŭ (11,1% respandentaŭ daviarali jamu), Andrej Małachaŭ (8,2%) i Uładzimir Poźnier (7,2%). Za imi išli televiadučyja Dźmitryj Kisialoŭ, Volha Skabiejeva i Jaŭhien Papoŭ.
Papularnyja ŭ moładzi jutubiery, u tym liku Juryj Dudź, a taksama viadoŭcy «Doždia», siarod jakich Ksienija Sabčak, u lik tych, chto karystajecca najbolšym davieram nie patrapili, raspavioŭ suaŭtar daśledavańnia, namieśnik dyrektara Levada-centra Dzianis Vołkaŭ. «Usio ž taki [ŭ Rasii] telebačańnie zastajecca asnoŭnaj krynicaj infarmacyi, tak što, chto ŭ televizary — toj i karystajecca davieram», — ličyć jon.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła16
Kamientary