Nacbank ustanaviŭ na 5 lutaha kurs jeŭra na ŭzroŭni 3 619 rubloŭ 48 kapiejek. Jašče dva tydni tamu jon kaštavaŭ 3 451 rubiel 44 kapiejki - postdevalvacyjny minimum.
Nacbank ustanaviŭ na 5 lutaha kurs jeŭra na ŭzroŭni 3 619 rubloŭ 48 kapiejek, paviedamlaje sajt hałoŭnaj aficyjnaj ustanovy krainy.
Za miesiac, što prajšoŭ ad Novaha hodu (ci devalvacyi?) supolnaja jeŭrapiejskaja valuta zaznała najbolšyja vahańni ŭ našym rodnym krai.
Novy postdevalvacyjny kurs jeŭra — 3 703 rubli, ustanoŭleny Nacbankam (viečaram?) 1 studzienia, pratrymaŭsia da 5 studzienia — kali jon papoŭz uniz: na 6 studzienia jon byŭ ustanoŭleny ŭ pamiery 3 635 rubloŭ 76 kapiejek.
Na nastupny dzień jeŭra znoŭ palacieŭ uniz — 3 565,93. Ciaham niekalkich dzion jon bałansavaŭ u miežach 3 500 — 3 600 rubloŭ, pakul 16 studzienia nie źlacieŭ za miažu 3 500 — da ŭzroŭniu 3 492,68.
Na 21 studzienia (20 studzienia byŭ dzień inaŭhuracyi Abamy) jeŭra dasiahnuŭ postdevalvacyjnaha minimuma — 3 451,44.
Potym pačaŭsia jaho pastupovy rost — na fonie pavyšeńnia kursu dalara. 28 studzienia jeŭra viarnuŭsia za miažu 3 500 — byŭ ustanoŭleny na ŭzroŭni 3 581,20.
Siońnia jon viarnuŭsia za miažu 3 600.
Kurs dalara ŭstanoŭleny na 5 lutaha ŭ pamiery 2 787 rubloŭ (za sutki vyras na 5 rubloŭ).
Bukmiekieram samy čas prymać staŭki, kali aficyjny kurs dalara pierakročyć miažu ŭ 2 800, a jeŭra vierniecca na pazicyi 2—5 studzienia.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary