Kampanija Lego vypuściła kanstruktar pa matyvach kultavaha sieryjała 90-ch «Siabry». Nabor Ideas Friends Central Perk uklučaje fihurki hałoŭnych hierojaŭ sitkama — Čendlera, Džoŭi, Rosa, Rejčeł, Moniki i Fibi — i dazvalaje sabrać budynak kaviarni Central Perk, dzie lubili sustrakacca siabry. Pra heta paviedamlaje kampanija.
U kamplekcie ŭsio pradumana da drobiaziaŭ. Kanstruktar dakładna paŭtaraje detali manchetenskaha kafe: šylda, znajomy interjer, kubki i navat tablička Reserved. Tut taksama jość tyja samyja dvajnyja dźviery i scena, ź jakoj Fibi śpiavała pra kata. Nie zabylisia ŭ nabory i pra studyjnyja kamiery, aśviatlalnyja prybory i inšyja prystasavańni, jakija vykarystoŭvajucca padčas kinazdymak.
Fihurki taksama majuć nievierahodnaje padabienstva sa svaimi «žyvymi» aryhinałami, a ich rekvizity padkreślivajuć asnoŭnyja jakaści hierojaŭ: jak dobryja, tak i admoŭnyja.
