Кампанія Lego выпусціла канструктар па матывах культавага серыяла 90-х «Сябры». Набор Ideas Friends Central Perk уключае фігуркі галоўных герояў сіткама — Чэндлера, Джоўі, Роса, Рэйчэл, Монікі і Фібі — і дазваляе сабраць будынак кавярні Central Perk, дзе любілі сустракацца сябры. Пра гэта паведамляе кампанія.
У камплекце ўсё прадумана да дробязяў. Канструктар дакладна паўтарае дэталі манхэтэнскага кафэ: шыльда, знаёмы інтэр'ер, кубкі і нават таблічка Reserved. Тут таксама ёсць тыя самыя двайныя дзверы і сцэна, з якой Фібі спявала пра ката. Не забыліся ў наборы і пра студыйныя камеры, асвятляльныя прыборы і іншыя прыстасаванні, якія выкарыстоўваюцца падчас кіназдымак.
Фігуркі таксама маюць неверагоднае падабенства са сваімі «жывымі» арыгіналамі, а іх рэквізіты падкрэсліваюць асноўныя якасці герояў: як добрыя, так і адмоўныя.
Каментары