Vialiki tarfiany pažar łakalizavali ŭ Dakudaŭskim laśnictvie Lidskaha lashasa. Ahmień byŭ vyjaŭleny pažarnym vartaŭnikom laśnictva 30 žniŭnia a 16:40. Płošča ŭzharańnia skłała 1,8 ha, paviedamiła pres-słužba Minlashasa.
Pažar adbyŭsia niedaloka ad respublikanskaha bijałahičnaha zakaźnika «Dakudaŭski», chutčej za ŭsio, praź nieaściarožnaść pry karystańni ahniom.
«Rabotniki lashasa pry abśledavańni terytoryi ŭbačyli 17 pryparkavanych lehkavych aŭtamabilaŭ. Miescy ŭ nas žuravinavyja, ludzi jeduć u les i na bałota. U bolšaści vypadkaŭ pryčynaj padobnych uzharańniaŭ źjaŭlajecca čałaviečy čyńnik», — rastłumačyŭ hałoŭny laśničy Lidskaha lashasu Andrej Jeramiejčyk.
Na miescy zdareńnia pracavali 43 śpiecyjalisty lashasa, było zadziejničana taksama 5 adzinak techniki, 4 motapompy, 22 rancavyja lasnyja apyrskvalniki. Dapamahali rabotniki miascovaha torfabrykietnaha zavoda i pažarniki.
Jašče da kanca dnia ŭdałosia ŭziać ahoń «u koła», łakalizavać uzharańnie. Pa stanie na 11:00 31 žniŭnia pahrozy raspaŭsiudžvańnia ahniu niama. Ciapier na miescy zdareńnia pracuje technika, jakaja zalivaje ahmień vadoj.
-
U Barysaŭskim rajonie mužčyna zahinuŭ ad udaru tokam pry ŭklučeńni katła
-
«Try dni tamu jaje bačyli ŭ zhrai». Biełaruska pryniesła sabačku na apieracyju ŭ vietkliniku i ŭžo miesiac nie moža jaje znajści
-
Rabotnik minskaj STA tajemna źjeździŭ na čužoj mašynie ŭ Brest pa zapčastki. Usio vyjaviłasia vypadkova
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała2
Kamientary