Šviecyja vyrašyła abkłaści banki novym padatkam praz vajennuju pahrozu ad Rasii
Šviedskija ŭłady chočuć ŭvieści novy padatak dla bankaŭ, jaki dazvolić papoŭnić dziaržaŭny skarb srodkami dla abarony krainy. Takija dziejańni tłumačacca naroščvańniem vajennaj prysutnaści Rasii ŭ Bałtyjskim mory, piša Bloomberg.
Ab płanach ŭvieści novy padatak zajaviła ministr finansaŭ Mahdalena Andersan. Pavodle jaje słoŭ, uviadzieńnie hetaha padatku dazvolić da 2022 hoda papoŭnić kaznu dziaržavy na 5 młrd kron ($ 508 młn). Bolš padrabiaznuju infarmacyju ab hetym novaŭviadzieńni jana abiacała pradastavić paźniej.
«Banki mohuć abkładacca padatkam našmat bolš, čym siońnia. Jany [banki] stvarajuć peŭnyja ryzyki dla ekanomiki, tamu ja liču razumnym, kab jany rabili bolšy ŭniosak», — zajaviła Andersan.
Jana patłumačyła svaju pazicyju tym, što padčas finansavych kryzisaŭ bankam moža spatrebicca dapamoha z boku dziaržavy, tamu ŭžo ciapier dla ich jość sens płacić bolš padatkaŭ. Banki, pa śćviardžeńni ministra, płaciačy bolš padatkaŭ, zmohuć zaścierahčy siabie ad mahčymych kryzisnych źjaŭ, u vypadku źjaŭleńnia jakich ŭrad abaviazvajecca dapamahać kredytnych arhanizacyjam.
Razam z tym jana nahadała, što ŭ apošnija hady banki pačali atrymlivać značna bolšy prybytak z-za vyhadnych padatkovych umoŭ, jakija dla ich pradastaviła dziaržava.
Asacyjacyja šviedskich bankiraŭ raskrytykavała płan ŭrada, zajaviŭšy, što banki ŭžo i tak płaciać vysokija padatki, a dziaržava i biez dadatkovych zboraŭ zdolna spravicca ź finansavymi kryzisami. U cełym, jak adznačyli ŭ asacyjacyi, banki mienš prybytkovyja, čym šviedskija kampanii, što handlujuć na biržy.
Kamientary