Mužčyna chvaliŭsia ŭ turmie svaim paśpiachovym bratam — byłyja sukamierniki abrabavali brataŭ dom
Žycharka pasiołka Zialony Bor nahladała za kvateraj rodnaha brata, pakul toj znachodzicca ŭ kamandziroŭkach u Polščy. U adzin ź dzion žančyna pabačyła, što ŭ adnym z voknaŭ niama šyby, ale samym niepryjemnym akazałasia niastača bujnoj sumy hrošaj, amal $10 tysiač. Padrabiaznaści kradziažu pieradaje pres-słužba UUS Bresckaha abłvykankama.
Pra zdareńnie jana paviedamiła ŭ milicyju.
Supracoŭniki Ivacevickaha RAUS vyśvietlili, što brat paciarpiełaha znachodzicca turmie. Svaim sukamiernikam jon nie raz raspaviadaŭ pra paśpiachovaha svajaka. Vyjšaŭšy na volu, žychar Biarozy, 1996 hoda naradžeńnia, i žychar Pinska, 1994 hoda naradžeńnia, sustrelisia sa svaim znajomym pinčukom, 2001 hoda naradžeńnia. Abmierkavali płan dziejańniaŭ i nočču pranikli ŭ kvateru paciarpiełaha.
«Vyručku» padzialili pamiž saboj, kupili dva aŭtamabili i raźjechalisia ŭ roznyja baki. Na nastupny dzień apieratyŭniki zatrymali žychara Biarozy ŭ jaho doma, tam ža była vyjaŭlenaja častka vykradzienych hrošaj.
Praz čas pinčuki na adnym z aŭtamabilaŭ patrapili ŭ «drobnaje» DTZ, paškodziŭšy nabyty transpart, prajazdžajučy pa dvary šmatkvaternaha doma pozna ŭviečary. Spałochalisia i kinuli mašynu. Pa haračych śladach ich zatrymali.
Pa fakcie kradziažu zaviedzienaja kryminalnaja sprava pa č. 3 art. 205 KK Respubliki Biełaruś.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary