Мужчына хваліўся ў турме сваім паспяховым братам — былыя сукамернікі абрабавалі братаў дом
Жыхарка пасёлка Зялёны Бор наглядала за кватэрай роднага брата, пакуль той знаходзіцца ў камандзіроўках у Польшчы. У адзін з дзён жанчына пабачыла, што ў адным з вокнаў няма шыбы, але самым непрыемным аказалася нястача буйной сумы грошай, амаль $10 тысяч. Падрабязнасці крадзяжу перадае прэс-служба УУС Брэсцкага аблвыканкама.
Пра здарэнне яна паведаміла ў міліцыю.
Супрацоўнікі Івацэвіцкага РАУС высветлілі, што брат пацярпелага знаходзіцца турме. Сваім сукамернікам ён не раз распавядаў пра паспяховага сваяка. Выйшаўшы на волю, жыхар Бярозы, 1996 года нараджэння, і жыхар Пінска, 1994 года нараджэння, сустрэліся са сваім знаёмым пінчуком, 2001 года нараджэння. Абмеркавалі план дзеянняў і ноччу праніклі ў кватэру пацярпелага.
«Выручку» падзялілі паміж сабой, купілі два аўтамабілі і раз'ехаліся ў розныя бакі. На наступны дзень аператыўнікі затрымалі жыхара Бярозы ў яго дома, там жа была выяўленая частка выкрадзеных грошай.
Праз час пінчукі на адным з аўтамабіляў патрапілі ў «дробнае» ДТЗ, пашкодзіўшы набыты транспарт, праязджаючы па двары шматкватэрнага дома позна ўвечары. Спалохаліся і кінулі машыну. Па гарачых слядах іх затрымалі.
Па факце крадзяжу заведзеная крымінальная справа па ч. 3 арт. 205 КК Рэспублікі Беларусь.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай11
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары