U Minsku za try miesiacy zaviali 22 spravy za kradziež elektrasamakataŭ
Za try miesiacy ŭ stalicy raspačata 22 kryminalnyja spravy pa faktach kradziažu elektrasamakataŭ, paviedamiła ŭ efiry prahramy «Pryčyny i vyniki» na «Radyjo-Minsk» aficyjny pradstaŭnik Śledčaha kamiteta Julija Hančarova, pieradaje karespandent ahienctva «Minsk-Naviny».
Hetym letam u stalicy imkliva nabraŭ papularnaść kikšerynh — servis pa karotkaterminovaj arendzie samakataŭ, jaki pracuje pa pryncypie samaabsłuhoŭvańnia.
— Pakolki hetyja samakaty «biesstancyjnyja», mnohija hramadzianie dumajuć, što jany nikomu nie naležać i vykradajuć ich, — adznačyła spadarynia Hančarova.
Košt adnoj takoj pryłady składaje bolš za 900 rubloŭ, tamu paśla faktu kradziažu zavodziacca kryminalnyja spravy. Najbolšaja ich kolkaść u Pieršamajskim rajonie — 6 i Leninskim — 5. Mienš za ŭsio ŭ Savieckim, Kastryčnickim i Frunzienskim — pa adnym.
Kamientary