Minski pradprymalnik padmanuŭ 14 partnioraŭ pa biznesie na 62 tysiačy rubloŭ
Try hady tamu minčuk vyrašyŭ pasprabavać svaje siły ŭ pradprymalnictvie. U stalicy jon adkryŭ cyrulniu i niekalki abjektaŭ, dzie pradavalisia pradukty i pradmiety pieršaj nieabchodnaści. Praź niejki čas zrazumieŭ, što biznes nie idzie, paviedamlaje pres-słužba milicyi.
Pradprymalnik pamianiaŭ miesca rehistracyi adnoj firmy na Asipovicki rajon i adkryŭ jašče dźvie handlovyja kropki. U vyniku ŭsiu svaju kamiercyjnuju dziejnaść mužčyna zasiarodziŭ mienavita na hetych dvuch abjektach.
Jak vyśvietlili supracoŭniki ABEZ Asipovickaj milicyi, pad prystojnaj padstavaj ažyćciaŭleńnia kamiercyjnaj dziejnaści mužčyna stvaryŭ pradpryjemstva, ad imia jakich zaklučyŭ kala 40 dahavoraŭ z roznymi subjektami haspadarańnia. Pa ich adhružaŭ pradukcyju roznaha asartymientu, jakuju i realizoŭvaŭ praz svaje firmy. Adnak usiu vyručku biznesmen zabiraŭ sabie bieź jakich-niebudź ulikovych dakumientaŭ. Mužčyna sam pryjazdžaŭ pa hrošy abo rabotniki išli na poštu i hrašovym pieravodam adpraŭlali patrebnuju sumu. Zarobak pradaŭcam vypłačvaŭsia - ahavorvałasia peŭnaja suma, jakuju kiraŭnik dazvalaŭ zabirać u košt zarobku.
Paśla svaje firmy biznesmen davioŭ da bankructva: nie ŭkładvajučy hrošy ŭ raźvićcio, jon tolki tolki adbiraŭ srodki. Asartymient źbiadnieŭ, abaroty padali, pradaŭcy z časam zvolnilisia …
Takim čynam biznesmen zavałodaŭ tavarna-materyjalnymi kaštoŭnaściami 14 subjektaŭ haspadarańnia na 62 tysiač rubloŭ. U dačynieńni da 32-hadovaha mužčyny śledčyja raspačali kryminalnuju spravu pa č. 4 art. 209 KK.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary