U Minsku prajšli biaspłatnyja zaniatki BMW Motorrad Academy. Aŭtacentr «Aŭtaideja» sabraŭ razam uładalnikaŭ matacykłaŭ roznych vytvorcaŭ, kab navučyć paźbiahać avaryj i pravilna dziejničać u niebiaśpiečnych situacyjach. Na miescy razabrali hučnyja DTZ apošnich hadoŭ.
Kurs nakiravany na zasvajeńnie navykaŭ kontravaryjnaha kiravańnia. Majsterstva pryščaplaŭ zasnavalnik i kiraŭnik «Motaškoły №1» u Sankt-Pieciarburhu, aŭtar kursaŭ pa navučańni vadžeńniu matacykłaŭ BMW. Jon ža vystupaje hałoŭnym instruktaram pa kontravaryjnaj padrychtoŭcy motabataljonaŭ Biełarusi i Sankt-Pieciarburha.
Zaniatki pačalisia z analizu statystyki i pryčyn DTZ. Šmat času adviali pad navučańnie navykam kiravańnia. Taksama razabrali typovyja darožnyja situacyi, u tym liku avaryjnyja. U pryvatnaści, razhledzieli schiemy prachodžańnia pavarotaŭ i skryžavańniaŭ. Zaadno raspaviali, jak biaśpiečna pieramiaščacca ŭ kałonie i z pasažyram.
Instruktar pakazaŭ asnoŭnyja manieŭry na navincy hetaha hoda — sportbajku BMW R1250GS. Asobnyja elemienty Ivan Panfiłaŭ adpracavaŭ na bahiery BMW K1600B.
BMW Motorrad Academy źbiraje biełaruskich matacyklistaŭ dvojčy na hod. Pavyšać svaje navyki mohuć usie achvotyja. Dla ŭładalnikaŭ bajkaŭ raspracavali dvuchuzroŭnievy kurs z tearetyčnymi i praktyčnymi zaniatkami.
«Cikavaść da matacykłaŭ siarod biełarusaŭ tolki raście, tak što my ŭnosim svoj układ u pavyšeńnie majsterstva ich uładalnikaŭ. BMW Motorrad Academy adkryta dla ŭsich achvotnych, niezaležna ad marki matacykła. Pierš za ŭsio my imkniomsia zrabić tak, kab avaryj z udziełam matacykłaŭ było mienš. Akramia taho, na zaniatkach možna navučycca novym dla siabie manieŭram i bolš upeŭniena adčuvać siabie za rulom», — adznačajuć u aŭtacentry« Aŭtaideja».
Kamientary