U karejskim Pjončanhu zaviaršyŭsia pieršy dzień čempijanatu śvietu pa bijatłonie.
U karejskim Pjončanhu zaviaršyŭsia pieršy dzień čempijanatu śvietu pa bijatłonie.
Upieršyniu suśvietnaje pieršynstva prachodzić u Azii. Letaś trasy Pjončanhu byli vyprabavanyja na etapie Kubku śvietu, a sioleta tudy ŭžo źlacielisia ŭsie najmacniejšyja spartoŭcy.
Pierad subotnim startam jašče nie było viadoma, ci vyjduć bijatłanisty na spabornictva, bo termomietr pakazvaŭ plus 10 i śnieh imklivaja taiŭ. Adnak ź siurpryzami nadvorja atrymałasia spravicca i atlety vyjšli na start spryntarskich honak.
Pieršymi zmahacca na 7,5 kiłamietraŭ pačali žančyny. Našy spadzievy najpierš byli źviazanyja z Darkaj Domračavaj, jakaja sioleta ŭžo trojčy traplała na pjedestały etapaŭ Kubku śvietu. Adnak biełaruska kiepska stralała — až 6 promachaŭ na 10 mišeniaŭ. Jak vynik tolki 53‑iaje miesca.
Najlepšaj z našych z adnym promacham była Volha Nazarava — jana dzieviataja. U Ludmiły Kalinčyk 54‑aje miesca, u Volhi Kudrašovaj — 73‑iaje.
Na podyum uzyšli niemki Kaci Vilchielm i Simona Chausvald, a taksama rasijanka Volha Zajcava.
U mužčyn usie try miedali źjeduć u Narviehiju. Zołata ŭ lehiendarnaha Ole‑Ejnara Bjorndalina, srebra zavajavaŭ Łars Bierhier, bronzu — Chavalvard Chanievold.
U Siarhieja Novikava 31‑aje miesca, Alaksandra Symana — 35‑aje, Rustama Valiŭlina — 53‑iaje, Jaŭhiena Abramienka — 86‑aje.
Zaŭtra adbuducca honki pieraśledu, dzie vystupiać 60 pieršych bijatłanistaŭ pa vynikach spryntu. U žančyn honka pačniecca a 10:00 pa biełaruskim časie, u mužčyn — a 12:15. Za tranślacyjami možna nazirać na telekanałach «Ład» i «Jeŭrasport».
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary