Siońnia ŭnačy jon zakinuŭ svaju 49‑ju šajbu ŭ NCHŁ. A najlepšy naš bambardzir - Rusłan Salej. U jaho 185 bałaŭ.
Siońnia ŭnačy «Manreal Kanadyjens» prajhraŭ u haściach «Vankuvier Kenaks» — 2:4. Što praŭda, Andrej Kaścicyn zakinuŭ adnu šajbu.
Heta jahonaja 20‑ia šajba ŭ hetym siezonie i 49‑ia ŭ karjery ŭ NCHŁ.
A naohuł u starejšaha z bratoŭ Kaścicynych 100 bambardzirskich bałaŭ u NCHŁ (49 šajbaŭ i 51 halavaja pieradača).
U siezonie 2005‑2006 u jaho byli na rachunku 2 šajby, 1 pieradača, u 2006/2007 hh. — 1 šajba, 10 halavych pieradačaŭ; u 2007/2008 hh. — 26 šajbaŭ, 27 halavych pieradačaŭ; u hetym siezonie: 20 šajbaŭ, 13 pieradačaŭ.
U jahonaha brata Siarhieja roŭna ŭdvaja mieniej bambardzirskich bałaŭ: 50 (17+33). Praŭda, jon pravodzić tolki druhi siezon u Nacyjanalnaj chakiejnaj lizie.
***
Zakinuŭ siońnia ŭnačy svaju čaćviertuju šajbu ŭ hetym siezonie Rusłan Salej.
Jahony «Kałarada» siońnia ŭnačy pierajhraŭ «Detrojt» — 6:5. Ale "łaviny" praciahvajuć zajmać apošniaje miesca ŭ Zachodniaj kanfierencyi. Što da Saleja, to sioleta na jaho rachunku 18 bambardzirskich bałaŭ (4+14).
A naohuł u Rusłana — najlepšy bambardzir u ź biełaruskich chakieistaŭ, jakija vystupali ŭ NCHŁ.Jon hulaje za akijanam z 1996 h. («Anachajm». «Fłaryda», «Kałarada»). I za hety čas zarabiŭ 185 bałaŭ (42 šajby, 143 halavych pieradačaŭ) — 813 hulniaŭ.
Va Uładzimira Cypłakova, što hulaŭ za «Bafała» i «Łos‑Andžełas» było 170 (69+101) bałaŭ u 331 matčy.
U Kanstancina Kalcova, što niejki čas vystupaŭ za akijanam za «Pitsburh», na rachunku 38 bałaŭ (12+26) u 144 matčach. Zaraz Kastuś, lubimaj śpiavačkaj jakoha - Nadzieja Babkina, hulaje za «Sałavat Jułajeŭ».
U Michaiła Hraboŭskaha, jaki vystupaje sioleta za «Taronta», 37 bambardzirskich bałaŭ (16+21), pryčym u hetym siezonie - užo 28 (13+15).
Stała viadoma, jak zatrymali byłoha kalinoŭca Maksima Ralko2
Kamientary