Kiraŭnictva EHU adkazała na pretenzii studentaŭ, jakija ŭčora praviali strajk u Vilni
Učora studenty EHU ŭ Vilni vyjšli na strajk, kab źviarnuć uvahu administracyju VNU na aktualnyja prablemy navučalnaj ustanovy. Jakija pretenzii ahučvali navučency? «Va ŭmovach padzieńnia jakaści adukacyi my ličym uzmacnieńnie žorstkaści finansavych praviłaŭ dla studentak i studentaŭ nieapraŭdanym. Rašeńnie ab uzmacnieńni žorstkaści finansavych praviłaŭ kiraŭnictva EHU pryniało ŭ adnabakovym paradku biez udziełu pradstaŭnikoŭ studenctva. Studenckaje samakiravańnie ŭ EHU vyklučanaje z pracesu pryniaćcia važnych rašeńniaŭ».
Situacyju «Našaj Nivie» prakamientavaŭ Maksimas Miłta, kiraŭnik Adździeła kamunikacyi i raźvićcia EHU. Jak davodzić spadar Miłta, studenty źjaŭlajucca paŭnavartasnymi čalcami Sienata, Kamisij pa razhladzie sprečak, akademičnaj etycy i inš. Prezident Studenckaha pradstaŭnictva navat udzielničaŭ u adbory kandydataŭ na pasadu rektara VNU ŭ 2017 hodzie, kali byŭ abrany były ministr adukacyi Bałharyi prafiesar Siarhiej Ihnataŭ, dadajuć u EHU.
Pra źmieny ŭ apłacie navučańnia padrabiazna paviedamlajecca na sajcie univiersiteta, infarmacyja źjaviłasia tam jašče ŭ kancy žniŭnia.
«Što datyčycca kadravych pytańniaŭ — EHU kirujecca Pracoŭnym kodeksam Litvy va ŭsich pytańniach pracaŭładkavańnia. Tyja 17 vykładčykaŭ, čyje pracoŭnyja kantrakty skončylisia 30 vieraśnia 2019 hoda, byli pracaŭładkavany 1 kastryčnika 2014 hoda na 5-hadovy termin. Za 5 hadoŭ značna źmianiłasia demahrafija studentaŭ, najbolš papularnymi stali prahramy pa dyzajnie i miedyja, a nie pravie i palityčnych navukach. Naturalna, što ŭźnikła bolšaja patreba ŭ dadatkovaj kolkaści vybitnych dyzajnieraŭ, takich jak prafiesar Arturas Rajła, łaŭreat Nacyjanalnaj premii Litvy ŭ halinie mastactvaŭ i inš. Takim čynam u 2019/20 hodzie bolšaść vykładčykaŭ EHU zastajucca biełarusami, jakija pracavali jak u minskim, tak i vilenskim EHU, a taksama nievialikaja častka vykładčykaŭ ź Litvy», — paviedamlajecca ŭ aficyjnym kamientary ŭniviersiteta.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary