Кіраўніцтва ЕГУ адказала на прэтэнзіі студэнтаў, якія ўчора правялі страйк у Вільні
Учора студэнты ЕГУ ў Вільні выйшлі на страйк, каб звярнуць увагу адміністрацыю ВНУ на актуальныя праблемы навучальнай установы. Якія прэтэнзіі агучвалі навучэнцы? «Ва ўмовах падзення якасці адукацыі мы лічым узмацненне жорсткасці фінансавых правілаў для студэнтак і студэнтаў неапраўданым. Рашэнне аб узмацненні жорсткасці фінансавых правілаў кіраўніцтва ЕГУ прыняло ў аднабаковым парадку без удзелу прадстаўнікоў студэнцтва. Студэнцкае самакіраванне ў ЕГУ выключанае з працэсу прыняцця важных рашэнняў».
Сітуацыю «Нашай Ніве» пракаментаваў Максімас Мілта, кіраўнік Аддзела камунікацыі і развіцця ЕГУ. Як даводзіць спадар Мілта, студэнты з'яўляюцца паўнавартаснымі чальцамі Сената, Камісій па разглядзе спрэчак, акадэмічнай этыцы і інш. Прэзідэнт Студэнцкага прадстаўніцтва нават удзельнічаў у адборы кандыдатаў на пасаду рэктара ВНУ ў 2017 годзе, калі быў абраны былы міністр адукацыі Балгарыі прафесар Сяргей Ігнатаў, дадаюць у ЕГУ.
Пра змены ў аплаце навучання падрабязна паведамляецца на сайце універсітэта, інфармацыя з'явілася там яшчэ ў канцы жніўня.
«Што датычыцца кадравых пытанняў — ЕГУ кіруецца Працоўным кодэксам Літвы ва ўсіх пытаннях працаўладкавання. Тыя 17 выкладчыкаў, чые працоўныя кантракты скончыліся 30 верасня 2019 года, былі працаўладкаваны 1 кастрычніка 2014 года на 5-гадовы тэрмін. За 5 гадоў значна змянілася дэмаграфія студэнтаў, найбольш папулярнымі сталі праграмы па дызайне і медыя, а не праве і палітычных навуках. Натуральна, што ўзнікла большая патрэба ў дадатковай колькасці выбітных дызайнераў, такіх як прафесар Артурас Райла, лаўрэат Нацыянальнай прэміі Літвы ў галіне мастацтваў і інш. Такім чынам у 2019/20 годзе большасць выкладчыкаў ЕГУ застаюцца беларусамі, якія працавалі як у мінскім, так і віленскім ЕГУ, а таксама невялікая частка выкладчыкаў з Літвы», — паведамляецца ў афіцыйным каментары ўніверсітэта.
-
Аргенцінец закахаўся ў беларуску і пераехаў на хутар пад Маладзечнам
-
Беларус спазніўся на самалёт з Дубая і просіць кампенсацыю. Тураператар кажа, што ён сам вінаваты
-
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»23
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары