Alaksandr Łukašenka na pierahavorach z prezidentam Ukrainy Uładzimiram Zialenskim prapanavaŭ stvarać sumiesnyja pradpryjemstvy i supracoŭničać u rakietabudavańni. Ab hetym Łukašenka zajaviŭ siońnia na pierahavorach u pašyranym składzie z prezidentam Ukrainy, pieradaje BiełTA.
«Heta nie tolki prosty handal. My pryniali rašeńnie faktyčna. Mižuradavaja kamisija, jakaja źbiarecca ŭ Kijevie (my taksama damovilisia ab hetym), prymie kankretnyja rašeńni pa stvareńni sumiesnych pradpryjemstvaŭ. U vas va Ukrainie, a ŭžo 9 vialikich (biełaruskich) kampanij pracujuć tut, i ŭ nas u Biełarusi», — skazaŭ Łukašenka.
Jon pryvioŭ prykład, i heta pytańnie było abmierkavana na pierahavorach z Uładzimiram Zialenskim: «Heta nie tamu, što brazhajem zbrojaj. My vielmi šmat ciapier pracujem nad raźvićciom haliny rakietabudavańnia ŭ Biełarusi. U nas nie było takoj vytvorčaści, a ŭ vas jana jość. My vielmi zacikaŭleny, kab vy nam u hetym dapamahli».
«Kali vy dapamožacie, my svoj prajekt realizujem, užo sumiesny, za paŭtara-dva hady. Kali nie, to 4-5 hadoŭ. I hrošaj mienš treba budzie», — rastłumačyŭ kiraŭnik dziaržavy.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj5
Kamientary