Złučanyja Štaty admovili ŭ vydačy vizaŭ 18 rasijskim dypłamatam, što płanavali ŭziać udzieł u siesii Hienieralnaj Asamblei Arhanizacyi Abjadnanych Nacyj. Pra heta paviedamiŭ namieśnik pastajannaha pradstaŭnika Rasii pry arhanizacyi Hienadź Kuźmin, piša RIA Naviny.
«Rasiejskaja delehacyja nie atrymała 18 viz. Za hety tydzień nivodnaj vizy vydadziena nie było», - skazaŭ Kuźmin.
U vizie było admoŭlena navat pierakładčyku, jaki musiŭ pierakładać vystupy rasijskaj delehacyi na anhielskuju movu.
U kancy vieraśnia za hadzinu da vyletu rasijskaj delehacyi z Maskvy ŭ Ńju-Jork na pasiadžeńnie Hienasamblei AAN rasijskuju delehacyju apaviaścili ab niavydačy amierykanskich viz. Ujazny dakumient nie zmahli atrymać dziesiać rasijskich delehataŭ, u tym liku kiraŭniki mižnarodnych kamitetaŭ Fiederalnaha schodu i supracoŭniki aparata MZS Rasii. U rasijskim zamiežnapalityčnym viedamstvie nazvali toje, što adbyłosia «aburalnym prykładam» niepavahi i nakiravali Vašynhtonu notu pratestu.
U Dziarždepartamiencie ZŠA adznačali, što kožnaja zajaŭka razhladajecca indyvidualna i amierykanskija ŭłady dziejničajuć u adpaviednaści z zakonam i mižnarodnymi abaviazacielstvami.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary