Pahladzicie, jak va Uruččy z udziełam ekipaža DAI ratavali kaciania VIDEA

Cełaja apieracyja pa vyratavańni kaciania, jakoje zaskočyła na koła prytarmaziŭšaj mašyny, razharnułasia ŭ rajonie pierasiačeńnia praśpiekta Niezaležnaści z vulicaj Rusijanava, paviedamlajuć «Minsk-Naviny».

Kiroŭca «Tajoty» ruchaŭsia pa Rusijanava, ale vymušany byŭ rezka spynicca paśla taho, jak zaŭvažyŭ kaciania, što vybiehła na prajeznuju častku.

Žyviolinka chucieńka schavałasia pad mašynaj. Uklučyŭšy avaryjnuju sihnalizacyju, kiroŭca vyjšaŭ z mašyny i pačaŭ šukać chvastataha. Pierakanaŭšysia, što miaŭkańnie razdajecca z-pad mašyny, pasprabavaŭ vyśvietlić miescaznachodžańnie žyvioły.

Na dapamohu prybyŭ i ekipaž DAI, jaki znachodziŭsia niedaloka ad skryžavańnia.

Supracoŭnik DPS Pieršamajskaha rajona Andrej Hierman vykazaŭ zdahadku, što kot zalez pad zadniuju levuju arku aŭtamabila. Pačałasia apieracyja pa vyratavańni žyvioły. Kata vyciahnuli, ale nie ŭtrymali. Jon vyrvaŭsia i zaskočyŭ užo na pravaje piaredniaje koła. Vidavočcy, što zaśpieli hetuju kranalnuju karcinu, padbadziorvali i kiroŭcu, i supracoŭnikaŭ DAI, prapanoŭvajučy svaju dapamohu.

— Heta ŭžo druhi vypadak u miesiacy, kali prychodzicca dastavać žyviołu z aŭtamabila, — pryznaŭsia A. Hierman. — U pieršym vypadku koška pierabiahała darohu taksama na praśpiekcie, pryjšłosia navat na karotki čas pierakryć ruch.

Jaje złavili, i ja adnios kotku ŭ dziažurnuju mašynu. Ale i tut chvastataja ŭmudryłasia zaleźci pad bartavuju panel. Paśla čarhovaha vyratavańnia ja padaryŭ košku siabru. I voś, siońnia znoŭ pałasaty! Darečy, na hety raz chłopčyk. Čorna-bieły hieroj padrapaŭ mnie ŭsie ruki, pakul dastavali jaho z-pad mašyny.

Spatrebiłasia niamała času, kab supakoić napałochanuju žyviołu. Supracoŭniki DAI kupili jamu korm i małako. A. Hierman vyrašyŭ zabrać kaciania dadomu, a imia dvuchmiesiačnamu pałasaciku vybieruć uviečary ŭsioj siamjoj.

Uvosień, kali pačynajucca pieršyja chałady, koški ŭ pošuku ciapła časta załaziać pad kapoty mašyn. Supracoŭniki Dziaržaŭtainśpiekcyi nahadvajuć kiroŭcam, što pierad tym, jak zavieści aŭtamabil, varta pierakanacca, što pad kapotam mašyny nie znachodzicca žyvioła.

— Nie lanujciesia, zazirnicie pad dnišča ci chacia b lohieńka stuknicie pa kapocie, — źviartajecca supracoŭnik DPS adździeła DAI UUS Pieršamajskaha rajona da minčukoŭ. — Heta zojmie nie bolš za chvilinu, ale, mahčyma, vyratuje čyjości žyćcio!

• 0
• 0
• 0
• 0
• 0
• 0
• 0
• 0