Kačanava: Pakarańnie za narkotyki pavinna być spraviadlivym i suvymiernym
Pakarańnie za narkahandal pavinna być spraviadlivym, kab jano ŭličvała kožnuju indyvidualnuju situacyju. Takoje mierkavańnie vykazała kiraŭnik administracyi prezidenta Natalla Kačanava ŭ efiry BT-1.
«Žančyny z ruchu «Maci 328», ź jakimi ja sustrakałasia, viedajuć, što ich dzieci ździejśnili złačynstva i vinavatyja, jany razumiejuć, što dzieci pavinny być pakaranyja. Ale pakarańnie pavinna być suvymiernym i adekvatnym złačynstvu. Bo hałoŭnaje ŭ palitycy našaj krainy i u palitycy prezidenta — heta spraviadlivaść», — ličyć Natalla Kačanava.
Taksama jana pahadziłasia z tym, što ŭ niekatorych situacyjach možna indyvidualna padyści da pakarańnia. «Što tyčycca moładzi (niepaŭnaletnich chłopcaŭ, jakija pa voli losu byli ŭciahnutyja ŭ złačynstva), to tut treba indyvidualna padychodzić. Kiraŭnik dziaržavy pastaviŭ zadaču razabracca detalova pa ŭsich pytańniach i ŭ samyja karotkija terminy ŭnieści prapanovy na razhlad prezidenta», — patłumačyła jana.
U toj ža čas pavinna vieścisia prafiłaktyčnaja praca ŭ hetym kirunku, pryčym kompleksna i z boku adrazu niekalkich viedamstvaŭ.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary