Biełaruś naviedajuć upaŭnavažanyja pa pravach čałavieka Hiermanii, Danii, Niderłandaŭ i Finlandyi.
25—27 lutaha Biełaruś naviedajuć čatyry ombudsmieny — upaŭnavažanyja pa pravach čałavieka Hiermanii Hiunter Noakie, Danii — Arnold Kryścijan de Fin Skibted, Niderłandaŭ — Arjan Chamburhier i Finlandyi — Kary Kachiłuota.Pra heta paviedamlaje pasolstva FRH.
Delehacyja prybyvaje siońnia viečaram. Meta vizitu — «atrymańnie infarmacyi ab raźvićci ŭnutrypalityčnaj situacyi paśla vyzvaleńnia palityčnych źniavolenych i parłamienckich vybaraŭ, što prajšli ŭ vieraśni 2008 hoda», havorycca ŭ paviedamleńni hiermanskaj dypmisii.
Zapłanavanyja pieramovy ombudsmienaŭ ź pieršym namieśnikam ministra ŭnutranych spraŭ Biełarusi Anatolem Kulašovym, namieśnikam ministra justycyi Ałaj Badak i pradstaŭnikami MZS. Delehacyja taksama sustreniecca z pradstaŭnikami apazicyi i hramadzianskaj supolnaści.
Napiaredadni vizitu ŭ Biełaruś Hiunter Noakie vitaŭ «niadaŭnija kroki (biełaruskich uładaŭ) u kirunku demakratyčnych reform».Pry hetym jon zaznačyŭ, što za takimi dziejańniami «na šlachu da realnych i ŭstojlivych reform pavinny być zrobleny jašče mnohija istotnyja zachady, uklučajučy dyjałoh z apazicyjaj i hramadzianskaj supolnaściu».
U pasolstvie FRH nahadali, što ŭ sakaviku kiraŭniki MZS krain ES viernucca da pytańnia ab prypynieńni vizavych sankcyj u dačynieńni da biełaruskich čynoŭnikaŭ. Umovaj dla ich poŭnaj admieny źjaŭlajucca demakratyčnyja reformy i vykanańnie pravoŭ čałavieka ŭ Biełarusi.
H.Noakie naviedvaŭ Minsk u krasaviku 2006 hoda paśla prezidenckich vybaraŭ.
Ciapier čytajuć
Mabilnym apierataram zabaranili zahaniać biełarusaŭ u vialiki minus4
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary