Baćka vychoŭvaŭ syna rozhami, a kab toj nie kryčaŭ, zatknuŭ rot klapam — zabojstva biełaruskaha chłopčyka ŭ Rasii
Baćka zahinułaha ŭ Jekaciarynburhu dzieviacihadovaha chłopčyka «vychoŭvaŭ» jaho rozhami, a kab toj nie kryčaŭ, zatknuŭ jamu rot zatyčkaj — z-za hetaha dzicia zadychnułasia. Pra heta paviedamlaje «Kommiersant'-Urał» sa spasyłkaj na krynicu ŭ pravaachoŭnych orhanach.
Surazmoŭca vydańnia taksama raspavioŭ, što ŭ siamji jašče dvoje dziaciej — zaraz baćka chavajecca razam ź imi. Maci znachodziłasia ŭ Rasii niezakonna, jaje vysłali ŭ Biełaruś. Tam žančyna raspaviała pra złačynstva svajoj svajačcy, jakaja źviarnułasia ŭ pravaachoŭnyja orhany.
Pravaachoŭnyja orhany taksama abvierhli infarmacyju ab tym, što siamja była ŭ relihijnaj siekcie. Adnak baćki byli «radykalnymi viernikami».
Maci chłopčyka raspaviała, što dzicia źbiŭ da śmierci baćka. Žančyna zajaviła, što dapamahła mužu schavać cieła dziciaci niedaloka ad doma, dzie jany zdymali kvateru. Ciapier śledstva damahajecca jaje ekstradycyi, baćku šukajuć.
Kamientary