Alaksandr Łukašenka prybyŭ z aficyjnym vizitam u Sierbiju. Bort numar adzin pryziamliŭsia ŭ Białhradskim aeraporcie imia Nikoły Tesły, pieradaje BIEŁTA.
Pieršapačatkova płanavałasia, što samalot kiraŭnika dziaržavy ŭ pavietranaj prastory Sierbii budzie supravadžać eskort z troch źniščalnikaŭ MiH-29. Taki honar tut dastajecca nie ŭsim, a tolki najbolš žadanym haściam. U pačatku hoda takim čynam u Białhradzie sustrakali Uładzimira Pucina.
Adnak u samy apošni momant z-za drennych umoŭ nadvorja pavietrany eskort byŭ admienieny. Biełaruski bort numar adzin supravadžaŭ źniščalnik, jaki lacieŭ zzadu samalota na adlehłaści 5 km: vajennaje sudna nie mahło padlacieć bližej z-za mierkavańniaŭ biaśpieki.
Niahledziačy na doždž, u aeraport sustrakać Alaksandra Łukašenki pryjechaŭ prezident Sierbii Alaksandr Vučyč. Jon pryvitaŭ biełaruskaha kalehu la trapa samalota, potym kiraŭniki dziaržaŭ pajechali da miemaryjalnaha kompleksu ŭ honar vyzvalicielaŭ Białhrada.
Kamientary